
ടോക്യോ: പിൻവലിച്ച ബാച്ചുകളിൽപ്പെട്ട മൊഡേണ വാക്സിൻ സ്വീകരിച്ച് ജപ്പാനിൽ രണ്ടുപേർ മരിച്ചതായി ജപ്പാൻ ആരോഗ്യ മന്ത്രാലയത്തിന്റെ റിപ്പോർട്ട്. മൊഡേണ വാക്സിന്റെ രണ്ടാം ഡോസ് സ്വീകരിച്ച യുവാക്കളാണ് ദിവസങ്ങൾക്കകം മരണത്തിനു കീഴടങ്ങിയത്. ഇരുവർക്കും മുപ്പതിനോടടുത്ത് പ്രായം വരും. മരണകാരണമെന്താണെന്ന് അന്വേഷിച്ചുവരികയാണ്.
രാജ്യത്തെ 863 വാക്സിനേഷൻ സെന്ററുകളിൽ വിതരണം ചെയ്ത 1.63 ദശലക്ഷം മൊഡേണ വാക്സിൻ ഉപയോഗം ജപ്പാൻ വ്യാഴാഴ്ച നിർത്തിവച്ചിരുന്നു. ചില വാക്സിൻ സാമ്പിളുകളിൽ ലോഹ സാന്നിധ്യം കണ്ടെത്തിയെന്ന റിപ്പോർട്ടിനെ തുടർന്നായിരുന്നു നടപടി.
എന്നാൽ, സുരക്ഷാ പ്രശ്നങ്ങളോ കാര്യക്ഷമതക്കുറവോ കാരണമല്ല, മുൻകരുതലിന്റെ ഭാഗമായാണ് വാക്സിൻ പിൻവലിക്കുന്നതെന്നായിരുന്നു സർക്കാരിന്റെയും മൊഡേണ കമ്പനിയുടെയും വിശദീകരണം.
അതിനിടെ 12 മുതൽ 17 വയസ്സുവരെ പ്രായമുള്ളവർക്ക് മൊഡേണ വാക്സിൻ നൽകാൻ കാനഡ അനുമതി നൽകി. നേരത്തേ 18 വയസ്സിനു മുകളിൽ ഉള്ളവർക്കുമാത്രമായിരുന്നു മൊഡേണ വാക്സിൻ ഉപയോഗത്തിന് അനുമതി.
Content Highlights: 2 Die In Japan After receiving Suspended Moderna Vaccines
Published: 28 Aug 2021, 02:06 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented