ആലപ്പുഴ: സ്പൈസസ് ബോര്ഡ് ചെയര്മാന് സ്ഥാനത്ത് നിന്ന് സുഭാഷ് വാസു രാജിവെച്ചു. ബിഡിജഎസ്സിലെ ഭിന്നതയാണ് രാജിക്ക് പിന്നിലെന്നാണ് സൂചന. ബിഡിജെഎസ് സംസ്ഥാന ജനറല് സെക്രട്ടറി കൂടിയാണ് സുഭാഷ് വാസു. രാജിക്കത്ത് കേന്ദ്ര ആഭ്യന്തര മന്ത്രി കൂടിയായ അമിത് ഷായ്ക്ക് അയച്ചു.
എസ്.എന്.ഡി.പി യോഗം ജനറല് സെക്രട്ടറി വെള്ളപ്പാള്ളി നടേശനുമായി സുഭാഷ് വാസു അഭിപ്രായ ഭിന്നതയിലാണ്. എസ്എന്ഡിപിയില് വിമത നീക്കം ശക്തമാക്കിയതിന് പിന്നാലെ കഴിഞ്ഞ ദിവസം സുഭാഷ് വാസു അധ്യക്ഷനായ മാവേലിക്കര യൂണിയന് വെള്ളാപ്പള്ളി നടേശന് പിരിച്ചു വിട്ടിരുന്നു. രേഖകള് മോഷ്ടിച്ചെന്നാരോപിച്ച് ഇയാള്ക്കെതിരെ താലൂക്ക് യൂണിയന് അഡ്മിനിസ്ട്രേറ്റര് പോലീസില് പരാതി നല്കുകയും ചെയ്തിരുന്നു.
2018 ജൂലൈയിലാണ് സുഭാഷ് വാസു സ്പൈസസ് ബോര്ഡ് ചെയര്മാന് സ്ഥാനത്തെത്തിയത്. ഒന്നാം മോദി സര്ക്കാരിന്റെ കാലത്ത് ബിഡിജെഎസിന് ലഭിച്ച മൂന്ന് സ്ഥാനങ്ങളില് പ്രധാനപ്പെട്ടതായിരുന്നു സ്പൈസസ് ബോര്ഡ് ചെയര്മാന് പദവി.
Content Highlights: Subhash Vasu resigns as chairman of Spices Board
Published: 02 Jan 2020, 01:35 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented