ന്യൂഡല്‍ഹി: കാലവര്‍ഷം മെയ് അവസാത്തോടെ കേരളത്തിലെത്തുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. തെക്കുപടിഞ്ഞാറന്‍ കാലവര്‍ഷം ബംഗാള്‍ ഉള്‍ക്കലിലെ ആന്തമാന്‍-നിക്കോബാര്‍ ദ്വീപുകളിലും ആന്തമാന്‍ കടലിലും എത്തിയതായി കാലാവസ്ഥാ കേന്ദ്രം അറിയിച്ചു.
മെയ് 31-ഓടെ കാലവര്‍ഷം കേരളത്തിലെത്തും. 2023-ല്‍ ജൂണ്‍ 8-നാണ് കാലവര്‍ഷം കേളത്തിലെത്തിയത്. 2022-ല്‍ മെയ് 29-നും, 2021-ല്‍ ജൂണ്‍ മൂന്നിനും 2020-ല്‍ ജൂണ്‍ ഒന്നിനുമാണ് കേരളത്തില്‍ കാലവര്‍ഷമെത്തിയത്. ലാ-നിനാ പ്രതിഭാസം നിലനില്‍ക്കുന്നതിനാല്‍ ഇത്തവണ സാധാരണയില്‍ കൂടുതല്‍ മഴ ഇന്ത്യയില്‍ ലഭിക്കുമെന്ന് മുന്നറിയിപ്പുണ്ട്.
150 വര്‍ഷത്തിനിടെ കേരളത്തില്‍ കാലവര്‍ഷമെത്തുന്ന തീയതികളിൽ വലിയ മാറ്റംവന്നിട്ടുണ്ട്. 1918-ല്‍ മെയ് 11-നാണ് കാലവര്‍ഷമെത്തിയത്. ഇത് ചരിത്രത്തിലെ ഏറ്റവും നേരത്തേയെത്തിയ കാലവര്‍ഷമാണ്. 1972-ല്‍ ജൂണ്‍ 18-നാണ് കേരളത്തില്‍ കാലവര്‍ഷമെത്തിയത്. ഇതാണ് ഏറ്റവും വൈകിയെത്തിയ കാലവർഷം.
ഇത്തവണ രാജ്യത്ത് വേനൽ ശക്തമായിരുന്നു. ഇന്ത്യയിലെ പലഭാഗങ്ങളിലും അതിതീവ്ര ചൂടാണ് രേഖപ്പെടുത്തിയത്. പല സംസ്ഥാനങ്ങളിലും 48 ഡിഗ്രി സെല്‍ഷ്യസ് വരെ ഉയർന്ന താപനില രേഖപ്പെടുത്തിയിരുന്നു.
Content Highlights: Monsoon expected to hit Kerala by May 31 as Southwest monsoon arrives in Nicobar Islands
Published: 19 May 2024, 03:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented