പാലക്കാട്: പാലക്കാട് ഉപതിരഞ്ഞെടുപ്പ് വേളയില് വന് ചര്ച്ചയായ നീല ട്രോളി ബാഗ് വിവാദത്തില് തെളിവ് കണ്ടെത്താനായില്ലെന്ന് പോലീസ്. യുഡിഎഫ് സ്ഥാനാര്ഥിയായിരുന്ന രാഹുല് മാങ്കൂട്ടത്തിലിന്റെ നേതൃത്വത്തില് ഹോട്ടലില് നീല ബാഗില് കള്ളപ്പണം കൊണ്ടുവന്നുവെന്നായിരുന്നു പരാതി. സ്പെഷ്യല് ബ്രാഞ്ചിന്റെ പ്രാഥമിക അന്വേഷണ റിപ്പോര്ട്ട് പാലക്കാട് എസ്പിക്ക് കൈമാറി. തെളിവ് കണ്ടെത്താനാകാത്ത സാഹചര്യത്തില് തുടര് നടപടി ആവശ്യമില്ലെന്നും റിപ്പോര്ട്ടില് പറയുന്നു.
ട്രോളി ബാഗില് കള്ളപ്പണം എത്തിച്ചുവെന്ന സിപിഎം നേതാക്കളുടെ പരാതിയില് പോലീസ് ഹോട്ടലില് പരിശോധന നടത്തിയിരുന്നു. ഹാര്ഡ് ഡിസ്ക്ക് ഉള്പ്പെടെ അന്വേഷണസംഘം പിടിച്ചെടുക്കുകയും ഹോട്ടലിലെ 22 സിസിടിവികളും പരിശോധിക്കുകയും ചെയ്തു.
യൂത്ത് കോണ്ഗ്രസ് നേതാവ് ട്രോളി ബാഗുമായി ഹോട്ടലില് എത്തുന്ന ദൃശ്യങ്ങളാണ് സിപിഎം പുറത്തുവിട്ടത്. ഇതില് കള്ളപ്പണമാണ് എന്നായിരുന്നു സിപിഎമ്മിന്റെ ആരോപണം.എന്നാല് ബാഗില് തന്റെ വസ്ത്രങ്ങളാണെന്ന മറുപടിയുമായി രാഹുലും രംഗത്തെത്തിയിരുന്നു. പിന്നാലെ പോലീസ് ഹോട്ടലില് രാത്രി റെയ്ഡ് നടത്തി. ഇതിനെതിരെ ഷാനിമോള് ഉസ്മാന് എംഎല്എ, ബിന്ദു കൃഷ്ണ എന്നിവര് പോലീസില് പരാതിയും നല്കിയിരുന്നു.
Content Highlights: rahul mamkootathil blue trolley bag black money allegation police report
Published: 02 Dec 2024, 04:58 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented