തിരുവനന്തപുരം: പ്രശസ്ത ദളിത് ചിന്തകനും അധ്യാപകനും സാമ്പത്തികശാസ്ത്ര വിദഗ്ധനുമായ ഡോ. എം. കുഞ്ഞാമന്റെ മരണത്തില് പ്രതികരണവുമായി എഴുത്തുകാരന് മേതില് രാധാകൃഷ്ണന്. നാളെ കേള്ക്കുമായിരുന്നൊരു ചിയേര്സ് ഇന്ന് സന്ധ്യയ്ക്ക് ചുവട്ടില് വീണുടഞ്ഞതിന്റെ ആഘാതമായി മനസ്സില് നില്ക്കുകയാണ് കുഞ്ഞാമനെന്ന് അദ്ദേഹം പറഞ്ഞു.
'സുഹൃത്തുക്കളായ ജോണിയും വിഷ്ണുവും ഞാനും മാത്രമുള്ളൊരു കൂടിച്ചേരലില് എന്റെ സന്തോഷം കെടുത്തിക്കൊണ്ട് സംഭവിച്ചൊരു നാലാമനായാണ് ഞാന് കുഞ്ഞാമനെ ആദ്യമായി കാണുന്നത്. പക്ഷേ, മിനുറ്റുകള്ക്കുള്ളില് ഞങ്ങള്ക്കിടയിലെ ഹൃദ്യ സംഭാഷണത്തില് ജോണിയും വിഷ്ണുവും കേള്വിക്കാരുടെ പദവിയിലായി. നാളെ കേള്ക്കുമായിരുന്നൊരു ചിയേര്സ് ഇന്ന് സന്ധ്യയ്ക്ക് ചുവട്ടില് വീണുടഞ്ഞതിന്റെ ആഘാതമായി മനസ്സില് നില്ക്കുന്നു കുഞ്ഞാമന്', മേതിലിന്റെ വാക്കുകള്.
ഡോ. എം. കുഞ്ഞാമനെ ഞായറാഴ്ച വൈകുന്നേരത്തോടെയാണ് തിരുവനന്തപുരം ശ്രീകാര്യത്തെ വസതിയില് മരിച്ചനിലയില് കണ്ടെത്തിയത്. കുഞ്ഞാമനെ സന്ദര്ശിക്കാന് വീട്ടിലെത്തിയ സുഹൃത്തും പൊതുപ്രവര്ത്തകനുമായ കെ.എം ഷാജഹാനാണ് അദ്ദേഹത്തിന്റെ മൃതദേഹം ആദ്യം കണ്ടത്.
ദീര്ഘകാലം കേരള സര്വകലാശാലയില് സാമ്പത്തികശാസ്ത്ര അധ്യാപകനായിരുന്നു കുഞ്ഞാമന്. ടാറ്റാ ഇന്സ്റ്റിറ്റ്യൂട്ട് ഓഫ് സോഷ്യല് സയന്സില് പ്രൊഫസറായാണ് വിരമിച്ചത്. ഇടതുപക്ഷ നിലപാട് പങ്കുവെക്കുന്ന ദളിത് ചിന്തകനും എഴുത്തുകാരനുമായിരുന്ന കുഞ്ഞാമന് ദളിത്-സാമ്പത്തിക ശാസ്ത്ര മേഖലകളില് നിരവധി ഗ്രന്ഥങ്ങളുടെ കര്ത്താവാണ്.
Content Highlights: maythil radhakrishnan reacts to m Kunjaman's death
Published: 03 Dec 2023, 08:01 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented