കൊച്ചി: കളമശ്ശേരി ബസ് കത്തിക്കല് കേസില് കണ്ണൂര് സ്വദേശി തടിയന്റവിട നസീര് അടക്കം മൂന്നു പ്രതികള് കുറ്റക്കാരാണെന്ന് കൊച്ചിയിലെ എന്ഐഎ കോടതി കണ്ടെത്തി. നസീറിനു പുറമേ പെരുമ്പാവൂര് സ്വദേശി സാബിര് ബുഹാരി, പറവൂര് സ്വദേശി താജുദ്ദീന് എന്നിവരാണ് കുറ്റക്കാര്. ഇവര് എന്.ഐ.എ. കോടതി മുമ്പാകെ കുറ്റസമ്മതം നടത്തുകയായിരുന്നു.
പി.ഡി.പി. നേതാവ് അബ്ദുല് നാസര് മദനിയെ മോചിപ്പിക്കണമെന്ന് ആവശ്യപ്പെട്ടുള്ള പ്രതിഷേധത്തിനിടെ 2005 സെപ്റ്റംബര് ഒമ്പതിനാണ് കളമശ്ശേരിയില് കേസിനാസ്പദമായ സംഭവം നടക്കുന്നത്. മദനിയുടെ ഭാര്യ സൂഫിയ കേസില് പത്താംപ്രതിയാണ്.
പ്രതികള്ക്കെതിരേ രാജ്യദ്രോഹക്കുറ്റം ചുമത്തിയാണ് കുറ്റപത്രം സമര്പ്പിച്ചിരുന്നത്. 14 പ്രതികളുണ്ടായിരുന്ന കേസിലെ ഒരാള് കൊല്ലപ്പെട്ടിരുന്നു. കേസില് ശിക്ഷ കോടതി തിങ്കളാഴ്ച വിധിക്കും.
Content Highlights: kalamassery bus fire case, three accused are guilty
Published: 28 Jul 2022, 09:57 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented