മലപ്പുറം: സമസ്ത കേരള ജംഇയ്യത്തുല്‍ ഉലമ അധ്യക്ഷന്‍ ജിഫ്രി മുത്തുക്കോയ തങ്ങള്‍ക്ക് വധ ഭീഷണി ഉണ്ടായ സംഭവം ആഭ്യന്തര വകുപ്പിന്റെ പരാജയമെന്ന് മുസ്ലിം ലീഗ് ജനറല്‍ സെക്രട്ടറി പി.എം.എ. സലാം. മുഖ്യമന്ത്രി പിണറായി വിജയന്‍ ഇക്കാര്യം ഗൗരവത്തിലെടുക്കേണ്ടതുണ്ടെന്നും സലാം പറഞ്ഞു.

To advertise here,

മലപ്പുറം ആനക്കയത്ത് നടന്ന ഒരു പരിപാടിയില്‍ പങ്കെടുത്ത് സംസാരിക്കുന്നതിനിടെയാണ് സമസ്ത അധ്യക്ഷന്‍ തനിക്ക് ഭീഷണിയുണ്ടെന്ന് വെളിപ്പെടുത്തല്‍ നടത്തിയത്. ചെമ്പരിക്ക ഖാസിയുടെ അനുഭവം തനിക്കുണ്ടായാല്‍ തനിക്കെതിരെ എഴുതുന്നവരെ ആദ്യം പിടിച്ചാല്‍ മതിയെന്നും നിലപാടുകളില്‍ നിന്ന് പിറകോട്ട് പോകില്ലെന്നും അദ്ദേഹം വ്യക്തമാക്കുകയുണ്ടായി.

ഭീഷണി കോള്‍ വന്ന കാര്യം തന്നോട് തങ്ങള്‍ തന്നോട് സംസാരിച്ചതായി സലാം വ്യക്തമാക്കി.'ജിഫ്രി തങ്ങളുമായി സംസാരിച്ചിരുന്നു. അത്ര ഗൗരവമുള്ള കാര്യമൊന്നും അല്ലെന്നാണ് അദ്ദേഹം പറഞ്ഞത്. കുറച്ച് ദിവസങ്ങള്‍ക്ക് മുമ്പ് ഒരു അജ്ഞാത കോള്‍ വന്നിരുന്നു. സിഎമ്മിന്റെ അനുഭവം അറിയാലോ എന്ന് പറഞ്ഞ് കട്ട് ചെയ്തു. അദ്ദേഹം അത് ഗൗരവമായി എടുത്തിട്ടില്ല. ഇത്തരം ഘട്ടങ്ങളിലൊക്കെ നേതാക്കള്‍ക്ക് പല കോളുകളും വരാറുണ്ട്. വിദ്യാര്‍ഥികളോടാണ് അദ്ദേഹം ഇക്കാര്യം വെളിപ്പെടുത്തിയത്. അദ്ദേഹം ഗൗരമായി എടുത്തില്ലെങ്കിലും ഞാനത് ഗൗരവമായി എടുക്കുകയാണ്. കേരളത്തിലെ ക്രമസമാധാന നിലക്ക് ഭംഗം വന്നിരിക്കുന്നു. ഇവിടെ മതനേതാക്കള്‍ക്കും പണ്ഡിതന്‍മാര്‍ക്കും വരെ ഭീഷണി വന്നിരിക്കുന്നു. ആഭ്യന്തര വകുപ്പിന്റെ പരാജയമാണ് അതിന് കാരണമെന്ന് തെളിയിക്കുകയാണ് ഇത്' സലാം പറഞ്ഞു.

ഇതിനിടെ ജിഫ്രി മുത്തുക്കോയ തങ്ങള്‍ക്ക് വധഭീഷണിയുണ്ടായ സാഹചര്യത്തില്‍  മന്ത്രി വി അബ്ദുറഹിമാന്‍  കോഴിക്കോട് സമസ്തയുടെ കാര്യാലയത്തില്‍ അദ്ദേഹത്തെ സന്ദര്‍ശിക്കുമെന്ന് അറിയിച്ചിരുന്നെങ്കിലും പിന്നീട് കൂടിക്കാഴ്ച റദ്ദാക്കി

Read തനിക്ക് വധഭീഷണിയുണ്ട്, അങ്ങനെ സംഭവിച്ചാല്‍ ആരെ പിടിക്കണമെന്ന് സൂചന നല്‍കി ജിഫ്രി തങ്ങള്‍ ......
 

Content Highlights : PMA Salam blames Home Ministry on Jifri Muthukkoya Thangal death threats