സി. രവീന്ദ്രനാഥ് അറിയാതെ പകർത്തിയ ചിത്രം സി. രാവുണ്ണിയാണ് സാമൂഹികമാധ്യമത്തിലിട്ടത്

തൃശ്ശൂർ: തൃശ്ശൂരിലെ സാഹിത്യകാരായ കുറച്ചുപേർ മുൻ മന്ത്രിയായ സി. രവീന്ദ്രനാഥ് എം.എൽ.എ.യെ ഒരു ചടങ്ങിലേക്ക് ക്ഷണിക്കാനായി വീട്ടിലെത്തിയതാണ്. രവീന്ദ്രനാഥ് പ്രഭാതനടത്തം കഴിഞ്ഞ് എത്തിയില്ല എന്നറിഞ്ഞ് വീട്ടിൽ കാത്തുനിന്നു. വൈകാതെ അദ്ദേഹം എത്തി. അതിഥികൾ വീട്ടിലുണ്ടെന്ന് കണ്ടെങ്കിലും ദിനചര്യ മുടക്കിയില്ല. ചൂലെടുത്ത് മുറ്റം അടിച്ചുവാരി. അതുകഴിഞ്ഞെത്തി കാര്യം തിരക്കി.
നവമ എന്ന സാഹിത്യ പരിപാടിക്ക് ക്ഷണിക്കാനായി വന്നതാണെന്ന് അറിയിച്ചു. കവി സി. രാവുണ്ണി, എൻ.ആർ. ഗ്രാമപ്രകാശ്, സുബി ദാസ് എന്നിവരാണ് ക്ഷണിക്കാനെത്തിയത്. ക്ഷണം സ്വീകരിച്ച് ഇവർക്ക് ചായയും ഉണ്ടാക്കിക്കൊടുത്താണ് മടക്കി അയച്ചത്. രവീന്ദ്രനാഥ് അറിയാതെ പകർത്തിയ ചിത്രം സി. രാവുണ്ണിയാണ് സാമൂഹികമാധ്യമത്തിലിട്ടത്. സൈക്കിളിൽ സഞ്ചരിക്കുന്ന രവീന്ദ്രനാഥിന്റെ ചിത്രവും മുൻപ് സാമൂഹികമാധ്യമങ്ങളിൽ ഏറെ ശ്രദ്ധ നേടിയിരുന്നു.
Published: 02 Oct 2026, 10:25 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented