ബേപ്പൂർ: ലക്ഷദ്വീപ്-ബേപ്പൂർ യാത്രക്കപ്പൽ സർവീസ് പുനഃസ്ഥാപിക്കുന്നത്‌ ലക്ഷദ്വീപ് ഭരണകൂടത്തിന്റെ പരിഗണനയിലെന്ന്‌ കേന്ദ്രസർക്കാർ. ലോക്‌സഭയിൽ കോഴിക്കോട്‌ എംപി എം.കെ. രാഘവന്റെ ചോദ്യത്തിന്‌ മറുപടിയായി കേന്ദ്ര തുറുമുഖ-ഷിപ്പിങ്‌ ജലഗതാഗത മന്ത്രി സർബാനന്ദ സോനോവാളാണ്‌ ഇക്കാര്യം വ്യക്തമാക്കിയത്‌.
ലക്ഷദ്വീപ് ഭരണകൂടം ബേപ്പൂർ തുറമുഖത്തെ ചരക്കുനീക്കത്തിന്‌ മാത്രമായാണ്‌ ഉപയോഗിക്കുന്നതെന്നും യാത്രക്കപ്പൽ സർവീസുകൾ കൊച്ചി തുറമുഖത്തുനിന്നാണെന്നും എം.കെ. രാഘവന്‌ മന്ത്രി നൽകിയ മറുപടിയിൽ പറഞ്ഞു.
ഇതോടെ ബേപ്പൂർ-ലക്ഷദ്വീപ് യാത്രക്കപ്പൽ സർവീസ് വീണ്ടും അനിശ്ചിതാവസ്ഥയിലാണ്‌. ദ്വീപിൽനിന്ന്‌ ബേപ്പൂരിലേക്ക്‌ നേരത്തെ വന്നിരുന്ന വിദ്യാർഥികൾ, രോഗികൾ, വിനോദസഞ്ചാരികൾ ഇവർക്കൊക്കെ കൊച്ചി തുറമുഖത്തെ ആശ്രയിക്കേണ്ട അവസ്ഥയാണ്‌ ഉണ്ടായിരിക്കുന്നത്‌.
നേരത്തേ നാല് യാത്രാക്കപ്പലുകൾ ബേപ്പൂർ-ലക്ഷദ്വീപ് റൂട്ടിൽ ഓടിയിരുന്നതാണ്‌.
Content Highlights: beypore lakshadweep ship service central government
Published: 08 Aug 2025, 08:14 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented