തിരുവനന്തപുരം: ജല അതോറിറ്റി എസ്.എം.എസ് വഴി നല്കുന്ന ബില്ലില്, ഉപയോഗിച്ച വെള്ളത്തിന്റെ അളവും മുന് മാസത്തെ മീറ്റര് റീഡിംഗും ഇപ്പോഴത്തെ മീറ്റര് റീഡിംഗും ഉള്പ്പെടുത്തണമെന്ന് സംസ്ഥാന മനുഷ്യാവകാശ കമ്മീഷന്. ഇല്ലെങ്കില് പഴയതുപോലെ എല്ലാ വിവരങ്ങളും ഉള്ക്കൊള്ളിച്ചുകൊണ്ടുള്ള സ്പോട്ട് ബില് നല്കണമെന്നും കമ്മീഷന് ആവശ്യപ്പെട്ടു.
ജല അതോറിറ്റിയുടെ ഓണ്ലൈന് സംവിധാനത്തിന് മേന്മ അവകാശപ്പെടുന്നുണ്ടെങ്കിലും ഇത്തരം ഇടപാടുകള് കൈകാര്യം ചെയ്യാന് കഴിയാത്തവര്ക്ക് അത് ബുദ്ധിമുട്ടുണ്ടാക്കുമെന്ന് കമ്മീഷന് അധ്യക്ഷന് ജസ്റ്റിസ് ആന്റണി ഡൊമിനിക് പറഞ്ഞു.
താന് ഉപയോഗിച്ച വെള്ളത്തിന്റെ അളവ് അറിയാനുള്ള അവകാശം ഉപഭോക്താവിനുണ്ടെന്ന് കമ്മീഷന് ചൂണ്ടിക്കാണിച്ചു. അത് സംബന്ധിക്കുന്ന വിശദ വിവരങ്ങള് അറിയിക്കാനുള്ള ബാധ്യത ജല അതോറിറ്റിക്കുണ്ട്. അറിയാനുള്ള അവകാശം നിഷേധിക്കുന്നത് മനുഷ്യാവകാശ ലംഘനമാണെന്നും ഉത്തരവില് പറഞ്ഞു.
ജല അതോറിറ്റിയുടെ സേവനങ്ങള് ഓണ്ലൈനാക്കുന്നതിന്റെ ഭാഗമായാണ് എസ്.എം.എസ് ബില്ലിംഗ് നിലവില് വന്നതെന്ന് ജല അതോറിറ്റി മാനേജിംഗ് ഡയറക്ടര് കമ്മീഷനെ അറിയിച്ചു. ക്വിക്ക് പേ വഴി പണം അടച്ചാല് 100 രൂപ കുറയും. ഓണ്ലൈന് വഴി പണം അടയ്ക്കാന് കഴിഞ്ഞില്ലെങ്കില് കളക്ഷന് സെന്റര് വഴി അടയ്ക്കാമെന്നും റിപ്പോര്ട്ടിലുണ്ട്. മനുഷ്യാവകാശ പ്രവര്ത്തകനായ രാഗം റഹിം സമര്പ്പിച്ച പരാതിയിലാണ് നടപടി
Content Highlights: amount of water used should be included in water bill provided by SMS says Human Rights Commission
Published: 23 Apr 2022, 05:15 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented