ചണ്ഡീഗഢ്: അകാലിദള് നേതാവും പഞ്ചാബ് മുന്ഉപമുഖ്യമന്ത്രിയുമായ സുഖ്ബീര് സിങ് ബാദലിനെ ശിക്ഷിച്ച് സിഖുകാരുടെ പരമോന്നത സംഘടനയായ അകാല് തഖ്ത്. സുവര്ണക്ഷേത്രം അടക്കമുള്ള ഗുരുദ്വാരകളിലെ അടുക്കളയും ശുചിമുറികളും വൃത്തിയാക്കണം എന്നതാണ് പ്രധാന ശിക്ഷ. രണ്ടുദിവസം കാവല് നില്ക്കണം, കഴുത്തില് പ്ലക്കാഡ് ധരിക്കണം, കൈയില് കുന്തം കരുതണം. കൂടാതെ ഒരുമണിക്കൂര് കീര്ത്തനങ്ങളും ആലപിക്കണം.
കുറ്റങ്ങളെല്ലാം ഏറ്റുപറഞ്ഞ് ബാദല് മാപ്പ് അപേക്ഷിച്ചിരുന്നു. ബാദലിന്റെ അകാലിദള് മന്ത്രിസഭയില് അംഗങ്ങളായിരുന്നവര്ക്കും അകാല് തഖ്ത് ശിക്ഷ പ്രഖ്യാപിച്ചിട്ടുണ്ട്. ഡിസംബര് മൂന്നിന് ചൊവ്വാഴ്ച 12 മണിമുതല് 1 മണിവരെ ശുചിമുറികള് വൃത്തിയാക്കാനാണ് ഇവര്ക്കുള്ള ശിക്ഷാനടപടി.ബാദലിന്റെ പിതാവും മുന് മുഖ്യമന്ത്രിയുമായിരുന്ന പ്രകാശ് സിങ് ബാദലിന് സിഖ് സമൂഹത്തിന്റെ അഭിമാനം എന്ന നിലയില് നല്കിയ ഫഖ് ര് ഇ ക്വാം ബഹുമതി എടുത്തുകളയാനും തീരുമാനിച്ചു
2007- 2017 കാലത്തെ അകാലിദള് ഭരണത്തിലുണ്ടായ സര്ക്കാറിന്റെയും പാര്ട്ടിയുടെയും മതപരമായ തെറ്റുകളെ മുന്നിര്ത്തിയാണ് ബാദലിനെ ശിക്ഷിച്ചത്. സിഖ്മത നിയമപീഠം തെറ്റുകാരനെന്ന് വിധിച്ചതിനുപിന്നാലെ സുഖ്ബീര് സിങ് ബാദല് ശിരോമണി അകാലിദള് അധ്യക്ഷസ്ഥാനം രാജിവെച്ചിരുന്നു.
Content Highlights: Sukhbir Badal Gets Toilet Cleaning Duty From Akal Takht Over Sacrilege Case
Published: 02 Dec 2024, 08:41 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented