ന്യൂഡല്ഹി: പിന്വലിച്ച 2000 രൂപ നോട്ടുകളില് 87 ശതമാനം ബാങ്കുകളില് നിക്ഷേപമായി തിരിച്ചെത്തിയെന്നും ബാക്കിയുള്ളവ കൗണ്ടറുകള് വഴി മാറ്റിയെന്നും റിസര്വ് ബാങ്ക് ഗവര്ണര് ശക്തികാന്ത ദാസ്. ഈ വര്ഷം മെയ് 19 വരെ പ്രചാരത്തിലുണ്ടായിരുന്ന 3.56 ലക്ഷം കോടി രൂപ മൂല്യമുള്ള 2000 രൂപ നോട്ടുകളില് 12,000 കോടി രൂപ ഇനിയും തിരികെ വരാനുണ്ടെന്ന് ദ്വൈമാസ ധനനയ അവലോകനത്തിന് ശേഷം നടത്തിയ വാര്ത്താ സമ്മേളനത്തില് റിസര്വ് ബാങ്ക് ഗവര്ണര് വ്യക്തമാക്കി.
സെപ്റ്റംബര് 29-വരെ 3.42 ലക്ഷം കോടി രൂപയുടെ നോട്ടുകള് തിരികെ ലഭിച്ചെന്ന് കഴിഞ്ഞ ശനിയാഴ്ച റിസര്വ് ബാങ്ക് വ്യക്തമാക്കിയിരുന്നു. 14,000 കോടി രൂപയുടെ 2000 രൂപ നോട്ടുകളാണ് ഇനി തിരികെ വരാനുള്ളതെന്നും വ്യക്തമാക്കിയിരുന്നു.
സെപ്റ്റംബര് 30 വരെയായിരുന്നു 2000 രൂപയുടെ നോട്ടുകള് മാറ്റിയെടുക്കാനുള്ള സമയപരിധി നിശ്ചയിച്ചിരുന്നത്. എന്നാല്, പിന്നീടിത് ഒരാഴ്ചത്തേക്ക് കൂടി നീട്ടി ഒക്ടോബര് ഏഴാണ് റിസര്വ് ബാങ്ക് പുതുതായി നല്കിയിരിക്കുന്ന സമയപരിധി. നോട്ടുകള് മാറ്റിയെടുക്കാന് ഒരു ദിവസം മാത്രം ബാക്കി നില്ക്കെയാണ് 12000 കോടിയുടെ 2000 രൂപ നോട്ടുകള് കൂടി തിരിച്ചെത്താനുണ്ടെന്ന് ആര്ബിഐ ഗവര്ണര് അറിയിച്ചിരിക്കുന്നത്.
Content Highlights: Rs 12,000 crore of 2,000 notes yet to return: RBI guv Das
Published: 06 Oct 2023, 03:41 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented