മുംബൈ: ടിആര്പി തട്ടിപ്പ് കേസില് റിപ്പബ്ലിക് ടിവി സിഇഒ വികാസ് ഖഞ്ചന്ദാനിയെ മുംബൈ പോലീസ് അറസ്റ്റ് ചെയ്തു. ടിആര്പി തട്ടിപ്പ് കേസില് പോലീസ് അറസ്റ്റ് ചെയ്യുന്ന പതിമൂന്നാമത്തെ പ്രതിയാണ് വികാസ്.
ടിആര്പി തട്ടിപ്പ് കേസില് സിബിഐ അന്വേഷണം ആവശ്യപ്പെട്ടുള്ള അര്ണബിന്റെ ഹര്ജി ബോംബെ ഹൈക്കോടതി പരിഗണിക്കാനിരിക്കെയാണ് വികാസിന്റെ അറസ്റ്റ്. നേരത്തെ വികാസിനെ പോലീസ് അഞ്ച് ദിവസത്തോളം ചോദ്യം ചെയ്തിരുന്നു. തട്ടിപ്പുമായി ബന്ധപ്പെട്ട് കൂടുതല് തെളിവുകള് ഇയാളില് നിന്ന് ലഭിച്ചുവെന്നാണ് പോലീസ് പറയുന്നത്.
ഒക്ടോബര് ആറിനാണ് ടിആര്പി തട്ടിപ്പ് കേസില് മുംബൈ പോലീസ് എഫ്ഐആര് രജിസ്റ്റര് ചെയ്തത്. ഹന്സ റിസേര്ച്ച് കമ്പനിയുടെ പ്രതിനിധിയായ നിതിന് ദിയോകറാണ് റിപ്പബ്ലിക് ടിവിക്കെതിരെ പരാതി നല്കിയത്. ബാര്കിന് വേണ്ടി റേറ്റിങ് ബോക്സുകള് ഇന്സ്റ്റാള് ചെയ്യുന്നത് ഹന്സ റിസേര്ച്ച് എന്ന കമ്പനിയാണ്. മുന് ജീവനക്കാരുടെ സഹായത്തോടെ ചില ചാനലുകള് ബോക്സുകളില് കൃത്രിമം നടത്തുന്നുവെന്ന പരാതി ഹന്സ നല്കിയതോടെയാണ് തട്ടിപ്പ് പുറത്തായത്.
Content Highlights: Republic TV CEO Vikas Khanchandani Arrested In Mumbai In Fake TV Ratings Scam
Published: 13 Dec 2020, 10:57 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented