മുംബൈ: പ്രതിഷേധങ്ങള്ക്കു പിന്നാലെ റദ്ദാക്കിയ കാര്ഷിക നിയമങ്ങള് വീണ്ടും കൊണ്ടുവന്നേക്കുമെന്ന സൂചന നല്കി കേന്ദ്രകൃഷിമന്ത്രി നരേന്ദ്ര സിങ് തോമര്. മഹാരാഷ്ട്രയില് വെള്ളിയാഴ്ച നടന്ന ഒരു പരിപാടിയില് സംസാരിക്കുകയായിരുന്നു അദ്ദേഹം.
ഞങ്ങള് കാര്ഷിക ഭേദഗതി നിയമങ്ങള് കൊണ്ടുവന്നു. പക്ഷെ, ചില ആളുകള്ക്ക് ആ നിയമങ്ങള് ഇഷ്ടമായില്ല. സ്വാതന്ത്ര്യം ലഭിച്ച് 70 വര്ഷങ്ങള്ക്കു ശേഷം, പ്രധാനമന്ത്രി നരേന്ദ്ര മോദിയുടെ നേതൃത്വത്തില് കൊണ്ടുവന്ന വന് പരിഷ്കാരമായിരുന്നു അവ, തോമര് പറഞ്ഞു. എന്നാല് സര്ക്കാരിന് നിരാശയില്ല. ഞങ്ങള് ഒരു ചുവടു പിന്നോട്ടുവെച്ചു. പക്ഷെ ഞങ്ങള് വീണ്ടും മുന്നോട്ടുപോകും, കാരണം കര്ഷകരാണ് ഇന്ത്യയുടെ നട്ടെല്ല്, തോമര് കൂട്ടിച്ചേര്ത്തു.
ലക്ഷക്കണക്കിന് കര്ഷകരുടെ ഒരുവര്ഷത്തിലധികം നീണ്ട പ്രതിഷേധത്തിന്റെ ഫലമായാണ് മൂന്ന് വിവാദകാര്ഷിക നിയമങ്ങള് പിന്വലിക്കാന് സര്ക്കാര് തയ്യാറായത്. നിയമങ്ങള് പിന്വലിക്കാനുള്ള തീരുമാനം പ്രധാനമന്ത്രി നരേന്ദ്ര മോദിയാണ് പ്രഖ്യാപിച്ചത്. തുടര്ന്ന് നിയമം പിന്വലിക്കാനുള്ള ബില് പാര്ലമെന്റിന്റെ ഇരുസഭകളും പാസാക്കുകയും രാഷ്ട്രപതി ഒപ്പുവെക്കുകയും ചെയ്യുകയായിരുന്നു.
content highlights: moved step back, but will move forward- union agriculture minister narendra singh tomar
Published: 25 Dec 2021, 03:14 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented