ന്യൂഡല്ഹി: അഞ്ചുകൊല്ലമോ അതില്ക്കൂടുതലോ ശിക്ഷ ലഭിക്കാവുന്ന കുറ്റത്തിന്, അറസ്റ്റിലായി മുപ്പതുദിവസം ജയിലില് കഴിഞ്ഞാല് പ്രധാനമന്ത്രിയും മുഖ്യമന്ത്രിയും ഉള്പ്പെടെ ഏത് മന്ത്രിയെയും നീക്കംചെയ്യാന് വ്യവസ്ഥചെയ്യുന്ന 130-ാം ഭരണഘടന ഭേദഗതി ബില്ല് സംയുക്ത പാര്ലമെന്ററി സമിതി (ജെപിസി)ക്ക് വിട്ടു. പാര്ലമെന്റിന്റെ അടുത്തസമ്മേനളനത്തില് ജെപിസി റിപ്പോര്ട്ട് സമര്പ്പിക്കും.
പാര്ലമെന്റിന്റെ ഇരുസഭകളിലെയും അംഗങ്ങള് ചേര്ന്നതാണ് ജെപിസി. എന്നാല്, ജെപിസിയുടെ നിര്ദേശങ്ങള്ക്ക് ഉപദേശക സ്വഭാവമായതിനാലും അവ സര്ക്കാര് പാലിക്കണമെന്ന നിബന്ധനയില്ല എന്നതും ബില്ലിന്റെ ഭാവിയെ നിശ്ചയിക്കും.
കടുത്ത പ്രതിപക്ഷ പ്രതിഷേധത്തിനിടെയാണ് ഭരണഘടനാ (130 ഭേദഗതി) ബില്, ഗവണ്മെന്റ് ഓഫ് യൂണിയന് ടെറിട്ടറീസ് (അമെന്ഡ്മെന്റ്) ബില് 2025, ജമ്മു കശ്മീര് പുനഃസംഘടനാ (ഭേദഗതി) ബില് 2025 എന്നിവ ആഭ്യന്തരമന്ത്രി അമിത് ഷാ ലോക്സഭയില് അവതരിപ്പിച്ചത്. പ്രതിപക്ഷം ബില്ലിന്റെ പകര്പ്പ് കീറിയെറിയുകയും ബില്ലിന്മേല് അതിരൂക്ഷ വിമര്ശനം ഉന്നയിക്കുകയും ചെയ്തു.
പ്രതിപക്ഷ പ്രതിഷേധത്തിന് പിന്നാലെ സഭ വൈകിട്ട് അഞ്ചുമണി വരെ നിര്ത്തിവെച്ചു. ബില്ല് അവതരണവേളയില് പ്രതിപക്ഷം സഭയുടെ നടുത്തളത്തിലിറങ്ങി പ്രതിഷേധിച്ചിരുന്നു. പ്രതിപക്ഷ പാര്ട്ടികള് ഭരിക്കുന്ന സംസ്ഥാനങ്ങളിലെ ഭരണത്തെ അസ്ഥിരപ്പെടുത്തുകയാണ് ഈ ബില്ലിലൂടെ ബിജെപി ലക്ഷ്യംവെക്കുന്നതെന്നാണ് ആരോപണം ഉയര്ന്നിരിക്കുന്നത്.
Content Highlights: ministers removal bill sent to joint parliamentary committee
Published: 20 Aug 2025, 04:56 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented