ചെന്നൈ: കൊല്ലപ്പെട്ട ബി.എസ്.പി. തമിഴ്നാട് അധ്യക്ഷന് കെ. ആംസ്‌ട്രോങ്ങിന് അന്ത്യാഞ്ജലി അര്‍പ്പിച്ച് പാര്‍ട്ടി ദേശീയ അധ്യക്ഷ മായാവതി. മരുമകനും ബി.എസ്.പി. ദേശീയ കോ-ഓര്‍ഡിനേറ്ററുമായ ആകാശ് ആനന്ദിനൊപ്പമാണ് മായാവതി ചെന്നൈയിലെത്തിയത്. ആംസ്ട്രോങ്ങിന്റെ കൊലപാതകം സി.ബി.ഐ. അന്വേഷിക്കണമെന്ന് അനുശോചന സമ്മേളനത്തില്‍ മായാവതി ആവശ്യപ്പെട്ടു.
'തമിഴ്‌നാട്ടില്‍ ക്രമസമാധാനം ഇല്ലാതായിരിക്കുകയാണെന്ന് ആംസ്ട്രോങ്ങിന്റെ കൊലപാതകം വ്യക്തമാക്കുന്നത്‌. പ്രതികളാരും ഇതുവരെ പിടിക്കപ്പെട്ടിട്ടില്ല. കേസ് സി.ബി.ഐയ്ക്ക് കൈമാറാന്‍ ഞങ്ങള്‍ സംസ്ഥാന സര്‍ക്കാരിനോട് ആവശ്യപ്പെടുകയാണ്.' -മായാവതി പറഞ്ഞു.
അതേസമയം ആംസ്ട്രോങ്ങിന്റെ മൃതദേഹം ചെന്നൈയിലെ പാര്‍ട്ടി ഓഫീസിന് സമീപം സംസ്‌കരിക്കുന്നത് മദ്രാസ് ഹൈക്കോടതി തടഞ്ഞു. തിരുവള്ളുവര്‍ ജില്ലയിലെ ഒരേക്കര്‍ സ്വകാര്യഭൂമിയില്‍ മൃതദേഹം സംസ്‌കരിക്കാമെന്ന് കോടതി പറഞ്ഞു. വിലാപയാത്ര സമാധാനപരമായി നടത്തണമെന്നും കോടതി നിര്‍ദേശിച്ചു.
വെള്ളിയാഴ്ചയാണ് കെ. ആംസ്‌ട്രോങ്ങിനെ ആറംഗ സംഘം വെട്ടിക്കൊലപ്പെടുത്തിയത്. ഇരുചക്രവാഹനങ്ങളിലെത്തിയ സംഘം ഗുരുതരമായി വെട്ടിപ്പരിക്കേല്‍പ്പിച്ചശേഷം രക്ഷപ്പെടുകയായിരുന്നു. ചെന്നൈ പെരമ്പൂരിലെ സദയപ്പന്‍ സ്ട്രീറ്റിലുള്ള ആംസ്ട്രോങ്ങിന്റെ വീടിനുസമീപത്തുവെച്ച് രാത്രി 7.30-ഓടെയായിരുന്നു സംഭവം.
Content Highlights: Mayawati demands CBI probe into Tamil Nadu leader K Amstrong's murder, pays last tribute
Published: 07 Jul 2024, 03:58 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented