ഛത്തീസ്ഗഢ്: പഞ്ചാബിലെ വിവിധ ജില്ലകളിലായി വിഷമദ്യ ദുരന്തത്തില് മരിച്ചവരുടെ എണ്ണം 86 ആയി. സംഭവത്തില് ഏഴ് എക്സൈസ് ഉദ്യോഗസ്ഥരേയും ആറ് പോലീസുകാരേയും മുഖ്യമന്ത്രി അമരീന്ദര് സിങ് സര്വ്വീസില് നിന്ന് സസ്പെന്ഡ് ചെയ്തു. മരിച്ചവരുടെ കുടുംബങ്ങള്ക്ക് രണ്ട് ലക്ഷംവീതം ധനസഹായവും സര്ക്കാര് പ്രഖ്യാപിച്ചു.
അമൃത്സര്, ബട്ടാല, തന് താരന് എന്നീ ജില്ലകളില് ബുധനാഴ്ച രാത്രിയാണ് വിഷമദ്യം കഴിച്ചുള്ള മരണം റിപ്പോര്ട്ട് ചെയ്ത് തുടങ്ങിയത്. തന് താരന് ജില്ലയില് 63 പേരാണ് മരിച്ചത്. 12 പേര് അമൃത്സറിലും ബറ്റാലയിലെ ഗുരുദാസ്പൂരില് 11 പേരുമാണ് മരിച്ചത്.
സംഭവത്തില് മുഖ്യമന്ത്രി അമരീന്ദര് സിങ് നേരത്തെ ഉന്നതതല അന്വേഷണത്തിന് ഉത്തരവിട്ടിരുന്നു. കുറ്റക്കാരെ വെറുതെ വിടില്ലെന്നും മുഖ്യമന്ത്രി വ്യക്തമാക്കിയിരുന്നു.
ഇതിനേ തുടര്ന്നാണ് ഏഴ് എക്സൈസ് ഉദ്യോഗസ്ഥരെയും ആറ് പോലീസുകാരെയും സസ്പെന്ഡ് ചെയ്യാന് മുഖ്യമന്ത്രി ഉത്തരവിട്ടത്. സസ്പെന്ഡ് ചെയ്യപ്പെട്ട ഉദ്യോഗസ്ഥരില് രണ്ട് ഡെപ്യൂട്ടി പോലീസ് സൂപ്രണ്ടുമാരും നാല് സ്റ്റേഷന് ഹൗസ് ഓഫീസര്മാരും ഉള്പ്പെടുന്നു.
അമൃത്സര്, ഗുരുദാസ്പുര്, തര് തരാന് എന്നീ ജില്ലകളില് നൂറിലധികം സ്ഥലങ്ങളില് റെയ്ഡ് നടത്തിയ പഞ്ചാബ് പോലീസ് 17 പേരെ കൂടി അറസ്റ്റ് ചെയ്തു. ഇതോടെ കേസില് ആകെ അറസ്റ്റിലായവരുടെ എണ്ണം 25 ആയി.
Content Highlights: Death Toll in Punjab Hooch Tragedy Rises to 62, 2 More Arrested in Amritsar for Selling Spurious Liquor
Published: 02 Aug 2020, 08:07 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented