ന്യൂഡൽഹി: പിഎം കെയേഴ്‌സ് ഫണ്ട് ഉപയോഗിച്ച് ഗ്രാമീണ മേഖലയിലെ സ്‌കൂളുകളുടെ അടിസ്ഥാന സൗകര്യങ്ങൾ മെച്ചപ്പെടുത്തണമെന്ന് സിജെപി നേതാവ് അഭിജീത് ദിപ്കെ. പിഎം കെയേഴ്‌സിലുള്ള 8452 കോടി രൂപകൊണ്ട് എത്ര സർക്കാർ സ്കൂളുകൾ മെച്ചപ്പെടുത്താനാകുമായിരുന്നെന്നും അദ്ദേഹം ചോദിച്ചു.
2023-24 കാലത്തെ 7173 കോടിരൂപയിൽനിന്ന് പിഎം കെയേഴ്‌സ് ഫണ്ട് 2024-25 ആയപ്പോഴേക്കും 8452 കോടിയായി വർധിച്ചെന്ന റിപ്പോർട്ടുകളുടെ പശ്ചാത്തലത്തിലാണ് അഭിജീത്തിന്റെ പ്രതികരണം.
‘പിഎം കെയേഴ്‌സ് ഫണ്ട് സ്‌കൂളുകൾക്കായി വിനിയോഗിക്കൂ. പിഎം കെയേഴ്‌സിലെ 8452 കോടി രൂപകൊണ്ട് എത്ര ഗ്രാമീണ സ്കൂളുകൾ മെച്ചപ്പെടുത്താനാകുമായിരുന്നെന്ന് സങ്കൽപിച്ചുനോക്കൂ’, സാമൂഹികമാധ്യമമായ എക്‌സിൽ പങ്കുവെച്ച വീഡിയോയിൽ അഭിജീത് പറഞ്ഞു.
സകലസൗകര്യങ്ങളോടുംകൂടിയ ഒരു സ്‌കൂൾ നിർമിക്കാൻ ഏകദേശം എട്ടുകോടി രൂപയാണ് വേണ്ടിവരിക. അങ്ങനെയെങ്കിൽ ആയിരം സ്കൂളുകൾ ഈ തുക ഉപയോഗിച്ച് നിർമിക്കാനാകും, അദ്ദേഹം കൂട്ടിച്ചേർത്തു.
കഴിഞ്ഞ കുറച്ചുദിവസമായി ഗ്രാമീണ മേഖലയിലെ ശോച്യാവസ്ഥയിലുള്ള സ്കൂളുകൾ താൻ കണ്ടുകൊണ്ടിരിക്കുകയാണെന്നും എന്താണ് ഇതിന് കാരണമെന്ന് ചോദിക്കുമ്പോൾ ഫണ്ടില്ലെന്ന മറുപടിയാണ് അധികൃതർ നൽകുന്നതെന്നും അഭിജീത് പറയുന്നു. ഒരുവശത്ത് സ്‌കൂളുകൾക്കായി പണമില്ലെന്ന് പറയുന്നു. മറുവശത്ത് പിഎം കെയേഴ്‌സിൽ 8452 കോടി കിടക്കുന്നു. ഈ പണം സ്‌കൂളുകൾക്കായി വിനിയോഗിക്കേണ്ടതല്ലേ, അഭിജീത് ചോദിച്ചു.
Content Highlights: CJP leader Abhijit Dipke demands the use of the PM CARES fund for rural school infrastructure., The PM CARES fund increased from Rs 7,173 crore (2023-24) to Rs 8,452 crore (2024-25)., Dipke estimates that roughly 1,000 fully equipped schools could be built using the Rs 8,452 crore fund.
Published: 19 Aug 2026, 02:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented