1800 കോടിയും കടന്ന് ആഗോള ബോക്‌സ് ഓഫീസില്‍ വമ്പന്‍ കുതിപ്പുമായി മുന്നേറുന്ന അല്ലു അര്‍ജുന്റെ 'പുഷ്പ 2: ദി റൂള്‍' പ്രദര്‍ശനത്തിനെത്തി രണ്ട് മാസത്തോടടുക്കുമ്പോള്‍ ഒ.ടി.ടി റിലീസിന് തയ്യാറെടുക്കുന്നതായി സൂചന. സിനിമ ഈമാസം അവസാനം, ജനുവരി മുപ്പതിനോ 31-നോ നെറ്റ്ഫ്‌ളിക്‌സില്‍ സ്ട്രീമിങ് ആരംഭിക്കുമെന്നാണ് പുറത്തുവരുന്ന വിവരം. എന്നാല്‍, സ്ട്രീമിങ് തീയതി ഔദ്യോഗികമായി പ്രഖ്യാപിച്ചിട്ടില്ല.
ഡിസംബര്‍ അഞ്ചിനാണ് ചിത്രം തിയേറ്ററുകളിലെത്തിയത്. തെലുഗു, ഹിന്ദി, തമിഴ്, കന്നഡ, ബംഗാളി, മലയാളം എന്നീ ഭാഷകളിലായാണ് ചിത്രം പുറത്തിറങ്ങിയത്. നേരത്തെ ആഗോള കളക്ഷനില്‍ എസ്.എസ്. രാജമൗലിയുടെ ചിത്രം 'ആര്‍.ആര്‍.ആര്‍'-ന്റെയും (1230 കോടി) 'കെ.ജി.എഫ്: ചാപ്റ്റര്‍ 2' (1215 കോടി) ന്റെയും എസ്.എസ്. രാജമൗലിയുടെ ബ്രഹ്‌മാണ്ഡ ചിത്രം 'ബാഹുബലി 2' (1790 കോടി) ന്റെയും റെക്കോഡുകള്‍ 'പുഷ്പ 2: ദി റൂള്‍' മറികടന്നിരുന്നു.
ആമിര്‍ഖാന്‍ ചിത്രമായ 'ദംഗലി'ന്റെ ആഗോള കളക്ഷന്‍ റെക്കോഡും (2070 കോടി) പുഷ്പ തിരുത്തുമോയെന്നാണ് ആരാധകര്‍ ആകാംഷയോടെ ഉറ്റുനോക്കുന്നത്.
Content Highlights: ushpa 2: The Rule`s OTT release is imminent, possibly on Netflix by Jan 31st.
Published: 23 Jan 2025, 08:01 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented