ബോക്‌സ് ഓഫീസിൽ മികച്ച വിജയം നേടിയ ഹിപ്‌ഹോപ് തമിഴ ആദിയുടെ മ്യൂസിക്കൽ കോമഡി ഡ്രാമ ചിത്രം 'മീശയ മുറുക്ക് 2' നവംബർ ആറുമുതൽ സോണി ലിവിൽ സ്ട്രീമിങ് ആരംഭിക്കുന്നു. 'ഗാന' സംഗീത പാരമ്പര്യത്തിന്റെ പശ്ചാത്തലത്തിൽ ഒരുക്കിയ ചിത്രം, സംഗീതത്തോടുള്ള പ്രണയവും സ്വത്വം കണ്ടെത്താനുള്ള പോരാട്ടവും സ്വപ്‌നങ്ങൾക്കു പിന്നാലെയുള്ള യാത്രയുമാണ് അവതരിപ്പിക്കുന്നത്. കലാകാരനെന്ന നിലയിൽ സ്വന്തം ഇടം കണ്ടെത്താൻ ശ്രമിക്കുന്ന ജീവയുടെ കഥയിലൂടെ യുവതലമുറയുടെ പ്രതീക്ഷകളും അഭിലാഷങ്ങളും ചിത്രം വരച്ചുകാട്ടുന്നു.
ഹിപ്‌ഹോപ് തമിഴ ആദി രചനയും സംവിധാനവും നിർവഹിച്ചിരിക്കുന്ന ചിത്രത്തിൽ ചൈത്ര ജെ. ആചാർ, രമ്യ രംഗനാഥൻ, കേതിക ശർമ, ഹർഷത് ഖാൻ, നാസർ, കരുണാസ്, യോഗി ബാബു, ബാബ ഭാസ്‌കർ എന്നിവരും പ്രധാന വേഷങ്ങളിലെത്തുന്നു. ബെൻസ് മീഡിയയുടെ എ.സി.എസ്. അരുൺ കുമാറും അവ്‌നി മൂവീസിന്റെ ഖുശ്ബു സുന്ദറുമാണ് ചിത്രത്തിന്റെ നിർമാതാക്കൾ.
Content Highlights: Tamil blockbuster 'Meesaya Murukku 2' will start streaming on SonyLIV from November 6. Written and directed by Hiphop Tamizha Adhi, the musical comedy-drama follows a artist named Jeeva pursuing his dreams. The film features Chaithra J. Achar, Ramya Ranganathan, Ketika Sharma, Harshad Khan, Nassar, Karunas, Yogi Babu, and Baba Bhaskar. Produced by A.C.S. Arun Kumar under Benz Media and Kushboo Sundar under Avni Movies. The story revolves around youth aspirations set against the backdrop of Gaana music tradition.
Published: 31 Oct 2026, 04:58 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented