പഞ്ചാബി- ബോളിവുഡ് നടനും ബോഡി ബില്‍ഡറുമായ വരിന്ദര്‍ സിങ് ഗുമാന്‍ (53) അന്തരിച്ചു. ഹൃദയാഘാതത്തെ തുടര്‍ന്നായിരുന്ന് അമൃത്സറിലെ ആശുപത്രിയിലായിരുന്നു അന്ത്യം. തോളിനേറ്റ പരിക്കിനേ തുടര്‍ന്ന്‌ അമൃത്സറിലെ ഫോര്‍ട്ടിസ് ആശുപത്രിയില്‍ പ്രവേശിപ്പിച്ചിരുന്നു. ശസ്ത്രക്രിയയ്ക്കുശേഷം വീട്ടിലേക്ക് മടങ്ങാനിരിക്കെയാണ് ഹൃദയാഘാതമുണ്ടായത്.
സിനിമാ രംഗത്തും ബോഡി ബില്‍ഡിങ് രംഗത്തും ഒരുപോലെ ശ്രദ്ധേയനായിരുന്നു വരിന്ദര്‍ സിങ് ഗുമന്‍. നടന്റെ അകാലവിയോഗം ആരാധകര്‍ക്ക് വിശ്വസിക്കാന്‍ കഴിഞ്ഞിട്ടില്ല. 2009-ലെ മിസ്റ്റര്‍ ഇന്ത്യ ജേതാവും മിസ്റ്റര്‍ ഏഷ്യ റണ്ണര്‍ അപ്പുമായിരുന്നു. ഏഷ്യയില്‍ അര്‍ണോള്‍ഡ് ഷ്വാര്‍സനെഗറിന്റെ ഉത്പന്നങ്ങളുടെ ബ്രാന്‍ഡ് അംബാസിഡര്‍ ആയിരുന്നു.
2012-ല്‍ കബഡി വണ്‍സ് എഗെയ്ന്‍ എന്ന പഞ്ചാബി ചിത്രത്തിലൂടേയായിരുന്നു അരങ്ങേറ്റം. 2014-ല്‍ റോര്‍: ടൈഗേഴ്‌സ് ഓഫ് സുന്ദര്‍ബെന്‍സിലൂടെ ബോളിവുഡിലും സാന്നിധ്യം അറിയിച്ചു. 2019-ല്‍ മര്‍ജവാന്‍, 2023-ല്‍ സല്‍മാന്‍ ഖാന്‍ കത്രീന കൈഫ് ചിത്രം ടൈഗര്‍ 3 എന്നീ ചിത്രങ്ങളില്‍ വേഷമിട്ടു.
Content Highlights: Punjabi and Bollywood actor and bodybuilder Varinder Singh Ghuman (53) passed away due to a heart attack. He was hospitalized for a shoulder injury and was about to return home after surgery
Published: 10 Oct 2025, 09:37 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented