
ഉണ്ണി മുകുന്ദന്റെ പിറന്നാള് ദിനത്തില് വന്പ്രഖ്യാപനവുമായി റിലയന്സ് എന്റര്ടെയ്ന്മെന്റ്. റിലയന്സ് നിര്മിക്കുന്ന രണ്ട് ബിഗ് ബജറ്റ് സിനിമകളില് ഉണ്ണി മുകുന്ദന് അഭിനയിക്കുമെന്നാണ് പ്രഖ്യാപനം. 'മാര്ക്കോ'യ്ക്കുശേഷം പാന്- ഇന്ത്യന് ആക്ഷന് താരമായി മാറിയ ഉണ്ണി മുകുന്ദന്റെ അഭിനയ ജീവിതത്തിലെ മറ്റൊരുവഴിത്തിരിവായി ചിത്രം മാറുമെന്നാണ് പ്രതീക്ഷ.
'റിലയന്സ് എന്റര്ടെയ്ന്മെന്റിന്റെ വരാനിരിക്കുന്ന രണ്ട് ഹിന്ദി ചിത്രങ്ങളില് ഇന്ത്യയുടെ മസില് അളിയന് ഉണ്ണി മുകുന്ദന് നായകനാകും. ഈ പ്രഖ്യാപനം നടത്താന് അദ്ദേഹത്തിന്റെ ജന്മദിനത്തേക്കാള് മികച്ച ദിവസം വേറെയില്ല. സൂപ്പര്സ്റ്റാറിന് ജന്മദിനാശംസകള്', എന്നായിരുന്നു റിലയന്സ് എന്റര്ടെയ്ന്മെന്റിന്റെ പ്രസ്താവന.
മലയാളത്തില്നിന്ന് ആദ്യമായാണ് ഇത്തരമൊരു സഹകരണം. പാന്- വേള്ഡ് റിലീസായി ഒരുങ്ങുന്ന 'മാ വന്ദേ' എന്ന ചിത്രത്തില് പ്രധാനമന്ത്രി നരേന്ദ്രമോദിയുടെ വേഷമാണ് ഉണ്ണി മുകുന്ദന് അവതരിപ്പിക്കുന്നത്. സംവിധായകന് ജോഷിയുടെ ജന്മദിനത്തില് പ്രഖ്യാപിച്ച, ഉടന് ആരംഭിക്കാനിരിക്കുന്ന മറ്റൊരു പാന് ഇന്ത്യന് സിനിമയില് അഭിനയിക്കാനുള്ള ഒരുക്കത്തിലാണ് ഇപ്പോള് ഉണ്ണി മുകുന്ദന്.
Content Highlights: Unni Mukundan signs two big-budget Reliance Entertainment films
Published: 23 Sept 2025, 09:47 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented