തമിഴ് സിനിമാലോകത്തെ പ്രിയതാരങ്ങളായ സൂര്യയും തൃഷയും പ്രധാന വേഷങ്ങളില് എത്തുന്ന പുതിയ ചിത്രമാണ് 'സൂര്യ 45'. സൂര്യയുടെ 45-ാമത് ചിത്രമാണിത് രണ്ട് ദശാബ്ദത്തിന് ശേഷം ഈ ജനപ്രിയ താരജോടി ഒന്നിക്കുന്നു എന്ന പ്രത്യേകതയാണ് ഈ ചിത്രത്തിന്റെ ആകര്ഷണം. ആര്.ജെ. ബാലാജി സംവിധാനം ചെയ്യുന്ന ഈ സിനിമ ആക്ഷന്, എന്റര്ടെയ്ന്മെന്റ്, ഡ്രാമ ആയിരിക്കുമെന്നാണ് പ്രതീക്ഷിക്കുന്നത്.
ചിത്രത്തിന്റെ മറ്റൊരു പ്രധാന ഹൈലൈറ്റ് സൂര്യയും തൃഷയും ഒന്നിച്ചുള്ള ഡാന്സ് സീക്വന്സാണ്. ഗാനരംഗത്തിന്റെ ചിത്രീകരണം ഉടന് ആരംഭിക്കാനിരിക്കുകയാണ്. വമ്പന് സെറ്റുകളില് ഒരുങ്ങുന്ന ഈ ഗാനം ദൃശ്യവിരുന്നായി മാറുമെന്നാണ് റിപ്പോര്ട്ടുകള് സൂചിപ്പിക്കുന്നത്. ഗാനരംഗത്തിനായുള്ള സെറ്റ് നിര്മാണം നിലവില് പുരോഗമിച്ചുകൊണ്ടിരിക്കുകയാണ്.
ഈ ഗാനരംഗത്തില് 500-ലധികം നര്ത്തകര് സൂര്യയ്ക്കും തൃഷയ്ക്കും ഒപ്പം അണിനിരക്കുമെന്നതാണ് മറ്റൊരു സവിശേഷത. തമിഴ് സിനിമയില് നിരവധി പശ്ചാത്തല നര്ത്തകരെ ഉള്പ്പെടുത്തി ഗാനങ്ങള് ചിത്രീകരിച്ചിട്ടുണ്ടെങ്കിലും, സൂര്യയുടെ കരിയറില് ഇത്തരമൊരു ഗാനരംഗം വരുന്നത് ഏറെക്കാലത്തിന് ശേഷമാണ്. പ്രശസ്ത നൃത്തസംവിധായകന് ഷോബിയാണ് ഗാനത്തിന്റെ കൊറിയോഗ്രാഫി ഒരുക്കുന്നത്.
ചിത്രത്തില് മലയാളി താരങ്ങളായ ഇന്ദ്രന്സ്, സ്വാസിക, അനഘ, മായാ രവി തുടങ്ങിയ പ്രമുഖ താരങ്ങളും അണിനിരക്കുന്നുണ്ട്. ജി.കെ. വിഷ്ണു ഛായാഗ്രഹണവും സായ് അഭയങ്കാർ സംഗീതവും നിര്വഹിക്കുന്ന ഈ ചിത്രം, സാങ്കേതിക മികവിന്റെ കാര്യത്തിലും ശ്രദ്ധേയമാകുമെന്നാണ് സൂചന. പ്രൊഡക്ഷന് ഡിസൈനര് അരുണ് വെഞ്ഞാറമൂട്.
അരുവി, തീരന് അധികാരം ഒണ്ട്ര്, കൈതി, സുല്ത്താന്, ഒകെ ഒരു ജീവിതം തുടങ്ങിയ ബ്ലോക്ക്ബസ്റ്ററുകളുടെ നിര്മ്മാതാക്കളായ ഡ്രീം വാരിയര് പിക്ചേഴ്സാണ് ഈ ബിഗ് ബജറ്റ് ചിത്രം നിര്മ്മിക്കുന്നത്.
Content Highlights: Suriya 45! A grand dance sequence with 500+ dancers
Published: 23 Mar 2025, 08:57 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented