മാസ് ലുക്കിലുള്ള നടൻ സുരേഷ് ​ഗോപിയുടെ ഒരു ചിത്രം കുറച്ച് നാൾ മുമ്പ് വൈറലായിരുന്നു. തന്റെ 250ാം ചിത്രത്തിന് വേണ്ടിയുള്ള ലുക്കാണിതെന്ന് വ്യക്തമാക്കി സുരേഷ് ​ഗോപിയും രം​ഗത്ത് വന്നിരുന്നു.

To advertise here,

ഇപ്പോഴിതാ ചിത്രത്തെക്കുറിച്ചുള്ള കൂടുതൽ വിവരങ്ങൾ പങ്കുവച്ചിരിക്കുകയാണ് നിർമാതാവ് ടോമിച്ചൻ മുളകുപാടം. മുളകുപാടം ഫിലിംസിന്റെ  ബാനറിൽ ടോമിച്ചൻ മുളകുപാടം നിർമ്മിക്കുന്ന പുതിയ ചിത്രത്തിലാണ് സുരേഷ് ​ഗോപി മാസ് ​ഗെറ്റപ്പിലെത്തുന്നത്. 

 'ആക്ഷൻ സൂപ്പർ സ്റ്റാർ സുരേഷ്ഗോപിയുടെ 250ാംമത് ചിത്രത്തിനോടൊപ്പം പ്രവർത്തിക്കുന്നതിൽ സന്തോഷവാനാണ്. മാത്യു തോമസ് പ്ലാമൂട്ടിൽ സംവിധാനം ചെയ്യുന്ന ചിത്രം കുടുംബ പ്രേക്ഷകർക്കും ആരാധകർക്കും ഒരേപോലെ ഇഷ്ടമാകും. മുളകുപാടം ഫിലിംസിന്റെ അടുത്ത ചിത്രം ഇതാണ്. മികച്ച അഭിനേതാക്കളും അണിയറപ്രവർത്തകരും ഈ സിനിമയിലുണ്ടാകും', ടോമിച്ചൻ മുളകുപാടം  ഫെയ്സ്ബുക്കിൽ കുറിച്ചു.

സത്യന്‍ അന്തിക്കാടിന്റെ മകന്‍ അനൂപ് സത്യന്‍ സംവിധാനം ചെയ്ത വരനെ ആവശ്യമുണ്ട് എന്ന ചിത്രത്തിലൂടെ ഗംഭീര തിരിച്ചുവരവ് നടത്തിയിരുന്നു സുരേഷ് ​ഗോപി. ചിത്രത്തിലെ മേജർ ഉണ്ണികൃഷ്ണനെന്ന കഥാപാത്രം ഏറെ ശ്രദ്ധ നേടി. ഒപ്പം മലയാളികളുടെ പ്രിയപ്പെട്ട സുരേഷ് ​ഗോപി- ശോഭന ജോടിയെയും പ്രേക്ഷകർ ഇരുകയ്യും നീട്ടിയാണ് സ്വീകരിച്ചത്.

Content highlights : Suresh Gopi 250th Film produced by Tomichan Mulakupadam