
കൊച്ചി: ഛായാഗ്രാഹകന് പപ്പു (സുധീഷ് പപ്പു, 44) അന്തരിച്ചു. കുറച്ച് നാളുകളായി അമിലോയിഡോസിസ് എന്ന അപൂര്വ്വ രോഗത്ത തുടര്ന്ന് ചികിത്സയിലായിരുന്നു.
എറണാകുളം തൃപ്പൂണിത്തുറയിലാണ് പപ്പുവിനിന്റെ ജനനം. എറണാകുളം കേന്ദ്രീയ വിദ്യാലയത്തിലായിരുന്നു പ്രഥമിക വിദ്യാഭ്യാസം. മധൂര് ഭണ്ഡാര്ക്കര് സംവിധാനം ചെയ്ത 'ചാന്ദ്നി ബാര്' എന്ന ബോളിവുഡ് ചിത്രത്തില് അസിസ്റ്റന്റ് ഛായാഗ്രാഹകനായാണ് തുടക്കം. പിന്നീട് ടി.കെ രാജീവ് കുമാറിന്റെ ശേഷം അനുരാഗ് കശ്യപിന്റെ 'ദേവ് ഡി' തുടങ്ങിയ ചിത്രങ്ങളിലും സഹായിയായി പ്രവര്ത്തിച്ചു.
സംവിധായകനും ഛായാഗ്രാഹകനുമായ രാജീവ് രവിയുടെ 'അന്നയും റസൂലും', 'കമ്മട്ടിപ്പാടം', 'തുറമുഖം' എന്നീ ചിത്രങ്ങളില് സെക്കന്റ് യൂണിറ്റ് ഛായാഗ്രാഹകനായി പ്രവര്ത്തിച്ചു.
ദുല്ഖര് സല്മാന് കേന്ദ്രകഥാപാത്രമായ 'സെക്കന്ഡ് ഷോ'യിലൂടെ അദ്ദേഹം സ്വതന്ത്ര ഛായാഗ്രഹകനായി. പിന്നീട് 'ഡി കമ്പനി', 'റോസ് ഗിറ്റാറിനാല്', 'മൈ ഫാന് രാമു', ' ഞാന് സ്റ്റീവ് ലോപ്പസ്', 'കൂതറ', 'അയാള് ശശി', 'ആനയെ പൊക്കിയ പാപ്പാന്', 'ഈട', 'ഓട്ടം'എന്നീ സിനിമകളുടെ ഛായാഗ്രഹകനായി പ്രവര്ത്തിച്ചു.
മജു സംവിധാനം ചെയ്ത ഈ വര്ഷം റിലീസ് ചെയ്ത 'അപ്പന്' ആണ് അദ്ദേഹത്തിന്റെ അവസാന ചിത്രം. ചിത്രീകരണത്തിന്റെ അവസാന ഘട്ടത്തില് പപ്പുവിനു സുഖമില്ലാതായതിനെ തുടര്ന്ന് വിനോദ് ഇല്ലംപള്ളിയാണ് സിനിമ പൂര്ത്തിയാക്കിയത്.
Content Highlights: Sudheesh Pappu cinematographer passed awa,y Appan film, Rajev Ravi associate, Dev D, Pappu Movies
Published: 14 Nov 2022, 02:29 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented