ആഷിഖ് അബുവിന്റെ പുതിയ ചിത്രമായ 'റൈഫിള് ക്ലബി'ലെ ദര്ശന രാജേന്ദ്രന് അവതരിപ്പിക്കുന്ന കഥാപാത്രത്തിന്റെ ക്യാരക്ടര് പോസ്റ്റര് പുറത്ത്. കുഞ്ഞുമോള് എന്ന കഥാപാത്രമായാണ് ദര്ശന എത്തുന്നത്. തോക്കുമേന്തി ദര്ശന നില്ക്കുന്ന പോസ്റ്റര് സോഷ്യല്മീഡിയയില് ശ്രദ്ധ നേടിയിരിക്കുകയാണ്. 'റൈഫിള് ക്ലബ്' ഡിസംബര് 19 ന് തിയേറ്ററുകളിലെത്തും. ശ്രീ ഗോകുലം മൂവീസിലൂടെ ഡ്രീം ബിഗ് ഫിലിംസാണ് ചിത്രം വിതരണത്തിനെത്തിക്കുന്നത്. ചിത്രത്തിലേതായി ഇതിനകം പുറത്തിറങ്ങിയിരിക്കുന്ന ക്യാരക്ടര് പോസ്റ്ററുകളെല്ലാം ഏറെ ശ്രദ്ധേയമായി കഴിഞ്ഞിട്ടുണ്ട്.
ചിത്രത്തില് സുപ്രധാന കഥാപാത്രമായെത്തുന്ന വാണി വിശ്വനാഥിന്റെ ഇട്ടിയാനം ക്യാരക്ടര് പോസ്റ്റര് തരംഗമായിരുന്നു. പ്രശസ്ത ബോളിവുഡ് സംവിധായകനും അഭിനേതാവുമായ അനുരാഗ് കശ്യപും ചിത്രത്തില് പ്രധാന വേഷത്തിലുണ്ട്. അനുരാഗ് അവതരിപ്പിക്കുന്ന കഥാപാത്രത്തിന്റെ ക്യാരക്ടര് പോസ്റ്റര് മുമ്പ് പുറത്തുവിട്ടിരുന്നു. ദയാനന്ദ് ബാരെ എന്ന കഥാപാത്രത്തെയാണ് അനുരാഗ് കശ്യപ് ചിത്രത്തില് അവതരിപ്പിക്കുന്നത്. മലയാളത്തിലെ അദ്ദേഹത്തിന്റെ അരങ്ങേറ്റം കൂടിയാണ് 'റൈഫിള് ക്ലബ്'. കൂടാതെ വിജയരാഘവന് വേഷമിടുന്ന കുഴിവേലി ലോനപ്പന്, സുരേഷ് കൃഷ്ണ അവതരിപ്പിക്കുന്ന ഡോ. ലാസര്, സുരഭി ലക്ഷ്മിയുടെ സൂസന്, ദിലീഷ് പോത്തന്റെ സെക്രട്ടറി അവറാന്, വിഷ്ണു ആഗസ്ത്യയുടെ ഗോഡ്ജോ, വിനീത് കുമാറിന്റെ റൊമാന്റിക് സ്റ്റാര്, ഉണ്ണിമായയുടെ സൂസന് എന്നീ കഥാപാത്രങ്ങളുടേയും ക്യാരക്ടര് പോസ്റ്ററുകളും ഇതിനകം പുറത്തിറങ്ങിയിട്ടുണ്ട്. ചിത്രത്തിലെ ആദ്യ ട്രാക്കായ 'ഗന്ധര്വ്വ ഗാനം' അടുത്തിടെ സോഷ്യല്മീഡിയയില് ഏറെ ശ്രദ്ധിക്കപ്പെട്ടിരുന്നു.
ഒ.പി.എം സിനിമാസിന്റെ ബാനറില് ആഷിഖ് അബു, വിന്സന്റ് വടക്കന്, വിശാല് വിന്സന്റ് ടോണി എന്നിവര് ചേര്ന്ന് നിര്മ്മിക്കുന്നതാണ് ചിത്രം. സിനിമയുടെ ഛായാഗ്രഹണവും ആഷിക്ക് അബു തന്നെയാണ് നിര്വഹിക്കുന്നത്. വിജയരാഘവന്, റാഫി, വിനീത് കുമാര്, സുരേഷ് കൃഷ്ണ, ഹനുമാന്കൈന്ഡ്, സെന്ന ഹെഗ്ഡെ, വിഷ്ണു അഗസ്ത്യ, ദര്ശന രാജേന്ദ്രന്, ഉണ്ണിമായ പ്രസാദ്, സുരഭി ലക്ഷ്മി, പ്രശാന്ത് മുരളി, നടേഷ് ഹെഗ്ഡെ, പൊന്നമ്മ ബാബു, രാമു, വൈശാഖ് ശങ്കര്, നിയാസ് മുസലിയാര്, റംസാന് മുഹമ്മദ്, നവനി ദേവാനന്ദ്, പരിമള് ഷായ്സ്, സജീവ് കുമാര്, കിരണ് പീതാംബരന്, ഉണ്ണി മുട്ടത്ത്, ബിബിന് പെരുമ്പിള്ളി, ചിലമ്പന്, ഇന്ത്യന് എന്നിവരടക്കമുള്ള വന് താരനിരയാണ് ഈ ചിത്രത്തില് അണിനിരക്കുന്നത്.
റൈഫിള് ക്ലബ്ബിന്റെ തിരക്കഥയും സംഭാഷണവും ഒരുക്കിയിരിക്കുന്നത് ദിലീഷ് നായര്, ശ്യാം പുഷ്കരന്, ഷറഫു, സുഹാസ് എന്നിവര് ചേര്ന്നാണ്. 'മായാനദി'ക്ക് ശേഷം ആഷിക്ക് അബു, ശ്യാം പുഷ്കരന്, ദിലീഷ് നായര് ടീം ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. 'മഞ്ഞുമ്മല് ബോയ്സി'ലൂടെ വലിയ ജനപ്രീതി നേടിയ അജയന് ചാലിശ്ശേരിയാണ് റൈഫിള് ക്ലബ്ബിന്റെ പ്രൊഡക്ഷന് ഡിസൈനര്. മേക്കപ്പ്: റോണക്സ് സേവ്യര്, വസ്ത്രാലങ്കാരം: മഷര് ഹംസ, എഡിറ്റര്: വി സാജന്, സ്റ്റണ്ട്: സുപ്രീം സുന്ദര്, സംഗീതം: റെക്സ് വിജയന്, പ്രൊഡക്ഷന് കണ്ട്രോളര്: കിഷോര് പുറക്കാട്ടിരി, സ്റ്റില്സ്: റോഷന്, അര്ജുന് കല്ലിങ്കല്, പി.ആര്.ഒ: ആതിര ദില്ജിത്ത്.
Content Highlights: rifle club movie darshana rajendran character poster
Published: 30 Nov 2024, 09:14 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented