ഛത്രപതി ശിവാജി മഹാരാജ് ജയന്തി ദിനത്തിൽ, ജിയോ സ്റ്റുഡിയോസും മുംബൈ ഫിലിം കമ്പനിയും ചേർന്ന് നിർമിക്കുന്ന ബിഗ് ബഡ്ജറ്റ് ചിത്രം 'രാജ ശിവാജി' ഫസ്റ്റ് ലുക്ക് പുറത്തിറക്കി. പ്രശസ്ത ബോളിവുഡ് നടനും സംവിധായകനുമായ റിതേഷ് വിലാസ്‌റാവു ദേശ്മുഖ് ഒരുക്കുന്ന ചിത്രത്തിൽ, അദ്ദേഹം തന്നെയാണ് ഛത്രപതി ശിവാജി മഹാരാജ് ആയി വേഷമിടുന്നത്.

To advertise here,

അചഞ്ചലമായ നോട്ടത്തോടെ, ദൃഢമായ ചുമലുകളോടെ, കൈയിൽ വാൾ പിടിച്ചു നിൽക്കുന്ന ശിവാജി മഹാരാജാവിന്റെ ലുക്കിൽ ആണ് റിതേഷ് ദേശ്മുഖിനെ പോസ്റ്ററിൽ അവതരിപ്പിച്ചിരിക്കുന്നത്. 

പാൻ ഇന്ത്യൻ ചിത്രമായി ഒരുങ്ങുന്ന 'രാജ ശിവാജി'ക്കു കാമറ ചലിപ്പിക്കുന്നത് സന്തോഷ് ശിവനും സംഗീതം പകരുന്നത് അജയ്-അതുൽ ടീമുമാണ്. ഹിന്ദി- മറാത്താ ഭാഷകളിലാണ് ചിത്രം ഒരുക്കുന്നത്. ഒരു രാജാവിന്റെ കഥയേക്കാൾ, ശക്തരായ പ്രതിയോഗികൾക്കെതിരെ ഉയർന്നുവന്ന് സ്വരാജ്യത്തിന്റെ പാത രൂപപ്പെടുത്താൻ പ്രതിജ്ഞയെടുത്ത ഒരു മകന്റെ കഥയാണ് ചിത്രം അവതരിപ്പിക്കുന്നത്. 

കീഴടങ്ങലിനു പകരം കലാപം തിരഞ്ഞെടുത്ത്, ഇന്ത്യയുടെ പ്രതിരോധ പ്രസ്ഥാനത്തിന്റെ ഗതി കെട്ടിച്ചമച്ച ഒരു പ്രിയപ്പെട്ട ദേശീയ യോദ്ധാവിന്റെ കഥയാണിത്. രാജാ ശിവജിക്കൊപ്പം, ഈ ശക്തമായ ഇന്ത്യൻ കഥയെ ഭാഷാപരമായ അതിരുകൾക്കപ്പുറത്തേക്ക് കൊണ്ടുപോകാനും യഥാർത്ഥത്തിൽ ആഗോളതലത്തിൽ ഒരു സിനിമാറ്റിക് അനുഭവമാക്കി മാറ്റാനുമാണ് നിർമാതാക്കൾ ലക്ഷ്യമിടുന്നത്.

ജിയോ സ്റ്റുഡിയോസ് അവതരിപ്പിക്കുകയും മുംബൈ ഫിലിം കമ്പനിയുടെ ബാനറിൽ ജ്യോതി ദേശ്പാണ്ഡെയും ജെനീലിയ ദേശ്മുഖും നിർമിക്കുകയും ചെയ്ത രാജാ ശിവാജി 2026 മെയ് ഒന്നിന് ലോകമെമ്പാടുമുള്ള തീയേറ്ററുകളിൽ പ്രദർശനത്തിനെത്തും. ഇന്ത്യയിലും ലോകമെമ്പാടും പ്രതിധ്വനിക്കാൻ ഒരു ഇതിഹാസ സിനിമാനുഭവമായാണ് ഈ ചിത്രം എത്തുന്നത്. പിആർഒ - ശബരി.