മലയാള സിനിമയിലെ ആദ്യ നായികയായ പി.കെ.റോസിയുടെ ആത്മകഥ പറയുന്ന ചിത്രമാണ് പി.കെ.റോസി. ശക്തമായ ജാതീയ അസമത്വങ്ങൾ നിലനിന്നിരുന്ന കാലത്ത് പ്രതിഭാധനനായ ജെ.സി.ഡാനിയേലാണ് റോസമ്മ എന്ന ദലിത് വിഭാഗത്തിലെ പെൺകുട്ടിയെ  പി.കെ.റോസി എന്ന പേരിൽ നായികയായി വിഗതകുമാരൻ എന്ന നിശ്ശബ്​ദ ചിത്രത്തിലൂടെ അവതരിപ്പിച്ചത്.

To advertise here,

സവർണ്ണമേധാവിത്വത്തിൻ്റെ തിക്താനുഭവങ്ങൾക്കു പിന്നീടവർ ബലിയാടാകേണ്ടി വന്നു. ഈ സംഭവങ്ങളെ കോർത്തിണക്കി  പി.കെ.റോസി എന്ന  ദുരന്ത നായികയുടെ കഥ പ്രേക്ഷകനു മുന്നിൽ അവതരിപ്പിക്കുകയാണ് സംവിധായകനായ ശശി നടുക്കാട്. ജി.എസ്.ഫിലിംസിൻ്റെ ബാനറിൽ ഡി.ഗോപകുമാറാണ് ഈ ചിത്രം നിർമ്മിക്കുന്നത്. സംവിധായകൻ തന്നെയാണ് തിരക്കഥയും രചിച്ചിരിക്കുന്നത്.

പുതുമുഖമായ ഉപന്യ പി.കെ.റോസിയെ അവതരിപ്പിക്കുന്നു. മധു, ഭീമൻ രഘു, ജയൻ ചേർത്തല, ഊർമ്മിളാ ഉണ്ണി, സേതുലക്ഷ്മി എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നുണ്ട്. സുകു മരുതൂറിൻ്റെ വരികൾക്ക് ഈണം വിജയൻ സംഗീതം പകർന്നിരിക്കുന്നു. ബിനു മാധവാണ് ഛായാഗ്രഹണം നിർവ്വഹിച്ചിരിക്കുന്നത്.

എഡിറ്റിംഗ്  -അഭി ജെ. കലാസംവിധാനം -ഉദയൻ പൂങ്കോട്. നിർമ്മാണ നിർവ്വഹണം - നാഥൻ കുളക്കട. ഫിലിം ക്രിട്ടിക്സ് പുരസ്കാരം ഉൾപ്പടെ നിരവധി അംഗീകാരങ്ങൾ നേടിയ ഈ ചിത്രം ഒക്ടോബർ പതിനാലിന് പ്രദർശനത്തിനെത്തുന്നു. വാർത്താപ്രചരണം -വാഴൂർ ജോസ്.