
'കസബ' വിവാദവുമായി ബന്ധപ്പെട്ട് ഏറെ ചർച്ചയായ വാക്കാണ് 'സേ ഇറ്റ്'. കസബയിലെ സ്ത്രീവിരുദ്ധതത ചർച്ച ചെയ്തപ്പോൾ സിനിമയുടെ പേര് പറയാതിരുന്ന നടി പാർവതി തിരുവോത്തിനോട് 'സേ ഇറ്റ്' എന്ന് പറഞ്ഞ് പേര് പറയാൻ ഗീതു മോഹൻദാസ് പ്രേരിപ്പിക്കുകയായിരുന്നു.
ഇപ്പോഴിതാ ഇതുമായി ബന്ധപ്പെട്ട് ഇൻസ്റ്റഗ്രാമിൽ ഒരാളുടെ പരിഹാസത്തിന് മറുപടി നൽകിയിരിക്കുകയാണ് പാർവതി. നടുവിരൽ ഉയർത്തിയായിരുന്നു പാർവതിയുടെ പ്രതികരണം. ഇൻസ്റ്റഗ്രാം സ്റ്റോറികളിലൂടെ ആരാധകരുടെ ചോദ്യങ്ങൾക്ക് മറുപടി നൽകുന്നതിനിടെയാണ് 'സേ ഇറ്റ്' എന്ന് ഒരാൾ കുറിച്ചത്. ഒരു വീഡിയോയിലൂടെയാണ് താരം ഇതിന് മറുപടി നൽകിയത്. കൈവിരലുകൾ പതുക്കെ ഉയർത്തി ഒടുവിൽ നടുവിരൽ കാണിക്കുകയായിരുന്നു.
ഇതുമായി ബന്ധപ്പെട്ടുള്ള മറ്റൊരു ചോദ്യത്തിനും പാർവതി മറുപടി നൽകി. അന്ന് കസബയ്ക്കെതിരെ ആ വിമർശനം നടത്തേണ്ടിയിരുന്നില്ലെന്ന് പിന്നീട് എപ്പോഴെങ്കിലും തോന്നിയിട്ടുണ്ടോ എന്നായിരുന്നു ചോദ്യം. 'ഇല്ല' എന്നാണ് നടി അതിന് നൽകിയ ഉത്തരം.
അതേസമയം ഗീതു മോഹൻദാസ് സംവിധാനം ചെയ്യുന്ന പുതിയ ചിത്രം ടോക്സിക്കിന്റെ ടീസർ പുറത്തുവന്നപ്പോൾ വലിയ വിമർശനങ്ങളുണ്ടായിരുന്നു. സിനിമയിലെ സ്ത്രീവിരുദ്ധതയ്ക്കെതിരെ സംസാരിക്കുന്ന വ്യക്തി സ്വന്തം സിനിമയിൽ അത് മറന്നുപോയെന്നായിരുന്നു ആളുകളുടെ പ്രതികരണം. അതേസമയം ടോക്സിക് ടീസറിനെ കുറിച്ച് പാർവതി പ്രതികരണങ്ങളൊന്നും നടത്തിയിരുന്നില്ല.
Content Highlights: parvathy thiruvothu responds to say it comment and kasaba controversy
Published: 11 Feb 2026, 05:45 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented