ലോസ് ആഞ്ജലിസ്: 95-ാം ഓസ്കര് പുരസ്കാരത്തില് ഇന്ത്യയ്ക്ക് ചരിത്ര നേട്ടം. മികച്ച ഡോക്യുമെന്ററി ഹ്രസ്വചിത്രത്തിനുള്ള പുരസ്കാരം ദ എലഫന്റ് വിസ്പറേഴ്സ് സ്വന്തമാക്കി.കാര്ത്തികി ഗോള്സാല്വേസ് ആണ് സംവിധാനം ചെയ്തത്. ഗുനീത് മോംഗയാണ് നിര്മാണം. അനാഥനായ ഒരു ആനക്കുട്ടിയും അതിന്റെ സംരക്ഷകരായ ആദിവാസി ദമ്പതികളും തമ്മിലുള്ള അഭേദ്യമായ ബന്ധമാണ് എലിഫന്റ് വിസ്പറേഴ്സിന്റെ പ്രമേയം.
മികച്ച ഒറിജിനല് സംഗീത വിഭാഗത്തില് ആര്ആര്ആറിലെ നാട്ടുനാട്ടു ഗാനം പുരസ്കാരം നേടി. എം.എം കീരവാണി സംഗീതസംവിധാനം നിർവഹിച്ച ഗാനത്തിന് വരികള് എഴുതിയത് ചന്ദ്രബോസാണ്. ഇരുവരും പുരസ്കാരം ഏറ്റുവാങ്ങി. എ.ആര് റഹ്മാന്-ഗുല്സാര് ( 2008, സ്ലം ഡോഗ് മില്ല്യണയര്) ജോഡിയുടെ നേട്ടത്തിന് ശേഷം ഇതാദ്യമായാണ് മികച്ച ഒറിജിനല് സോങ്ങിനുള്ള പുരസ്കാരം ഇന്ത്യയിലേക്കെത്തുന്നത്.
ഡാനിയേല് ക്വാന്, ഡാനിയേല് ഷൈനര്ട്ട് സംവിധാനം ചെയ്ത എവരിതിങ് എവരിവേര് ഓള് അറ്റ് വണ്സ് ആണ് മികച്ച ചിത്രം. പതിനൊന്ന് വിഭാഗങ്ങളില് നാമനിര്ദ്ദേശം ചെയ്യപ്പെട്ട ചിത്രം ഏഴ് വിഭാഗങ്ങളില് പുരസ്കാരം നേടി. മികച്ച സംവിധാനം, മികച്ച നടന്, നടി, സഹനടി, സഹനടന്, എഡിറ്റിങ്, തിരക്കഥ എന്നീ വിഭാഗങ്ങളിലും ചിത്രം പുരസ്കാരം നേടി.
ലോസ് ആഞ്ജലിസിലെ ഓവിയേഷന് ഹോളിവുഡിലെ ഡോള്ബി തിയേറ്ററിലാണ് പുരസ്കാരദാനച്ചടങ്ങ് നടന്നത്. നടി ദീപിക പദുക്കോണ് ചടങ്ങില് അതിഥിയായെത്തി. ആര്ആര്ആര് സംവിധായകന് എസ്.എസ്. രാജമൗലി, നടന്മാരായ രാം ചരണ്, ജൂനിയര് എന്.ടി.ആര് തുടങ്ങിയവര് ചടങ്ങില് പങ്കെടുത്തു.
പുരസ്കാരങ്ങള് ഇങ്ങനെ
മികച്ച ചിത്രം- എവരിതിങ് എവരിവേര് ഓള് അറ്റ് വണ്സ് ( ഡാനിയേല് ക്വാന്, ഡാനിയേല് ഷൈനര്ട്ട്)
മികച്ച സംവിധാനം- ഡാനിയേല് ക്വാന്, ഡാനിയേല് ഷൈനര്ട്ട് (എവരിതിങ് എവരിവേര് ഓള് അറ്റ് വണ്സ്)
മികച്ച നടി- മിഷേല് യോ (എവരിതിങ് എവരിവേര് ഓള് ഏറ്റ് വണ്സ്)
മികച്ച നടന്- ബ്രെന്ഡന് ഫ്രാസെര് (ദ വെയ്ല്)
മികച്ച എഡിറ്റിങ്- എവരിതിങ് എവരിവേര് ഓള് അറ്റ് വണ്സ്
മികച്ച സൗണ്ട് റെക്കോഡിങ്- ടോപ് ഗണ് മാര്വറിക്
മികച്ച തിരക്കഥ (ഒറിജിനല്)- ഡാനിയേല് ക്വാന്, ഡാനിയേല് ഷൈനര്ട്ട് (എവരിതിങ് എവരിവേര് ഓള് അറ്റ് വണ്സ്)
മികച്ച തിരക്കഥ (അഡാപ്റ്റഡ്)- സാറാ പോളെ (വുമണ് ടോക്കിങ്)
മികച്ച ഒറിജിനല് സോങ്- ആര്ആര്ആര് (എം.എം കീരവാണി, ചന്ദ്രബോസ്)
മികച്ച ഡോക്യുമെന്ററി ഹ്രസ്വചിത്രം- ദ എലിഫന്റ് വിസ്പറേഴ്സ് (കാര്ത്തികി ഗോള്സാല്വേസ്, ഗുനീത് മോംഗ)
മികച്ച വിഷ്വല് എഫക്റ്റ്സ് -അവതാര് ദ വേ ഓഫ് വാട്ടര്
മികച്ച പ്രൊഡക്ഷന് ഡിസൈന്- ഓള് ക്വയറ്റ്ഓണ് ദവെസ്റ്റേണ് ഫ്രണ്ട്
മികച്ച ഹ്രസ്വചിത്രം (ആനിമേറ്റഡ്)- ദ ബോയ്, ദ മോ, ദ വോക്സ് ആന്റ് ഹോഴ്സ്
മികച്ച ഒറിജിനല് സ്കോര്- വോക്കര് ബെര്ട്ടെല്മാന്
മികച്ച ആനിമേറ്റഡ് സിനിമ- പിനോക്കിയോ
മികച്ച ഡോക്യുമെന്ററി ഫീച്ചര് ചിത്രം- നവാല്നി
മികച്ച ഛായാഗ്രഹണം- ജെയിംസ് ഫ്രണ്ട് (ഓള് കൈ്വറ്റ് വെസ്റ്റേണ് ഫ്രണ്ട്)
മികച്ച മേക്ക് അപ്പ് ആന്റ് ഹെയര് സ്റ്റെല്- അഡ്റിയെന് മോറോട്ട്
മികച്ച കോസ്റ്റിയൂം ഡിസൈന്- റുത്ത് കാര്ട്ടര് (ബ്ലാക്ക് പാന്തര്)
Content Highlights: Oscar 2023 winners, best film acto,r actress original. song RRR. India elephant whisperers
Published: 13 Mar 2023, 06:01 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented