പ്രേക്ഷകരെ രസിപ്പിച്ച് തിയേറ്ററുകളിൽ വിജയകരമായി പ്രദർശനം തുടരുകയാണ് ധ്യാൻ ശ്രീനിവാസൻ, അജു വർഗീസ് എന്നിവർ നായകന്മാരായ 'നദികളില് സുന്ദരി യമുന'. ഇപ്പോഴിതാ ചിത്രത്തിൻ്റെ രസകരമായ ഒരു ടീസർ പുറത്തിറങ്ങിയിരിക്കുകയാണ് അണിയറപ്രവർത്തകർ. ധ്യാൻ, നിർമൽ പാലാഴി തുടങ്ങിയവരാണ് ടീസറിൽ ഉള്ളത്.
നാട്ടിൻപുറത്തിൻ്റെ സൗന്ദര്യവും അവിടെ ഉടലെടുക്കുന്ന രസകരമായ ചില സംഭവങ്ങളും കോർത്തിണക്കി നർമ്മത്തിന് പ്രാധാന്യം കൊടുത്ത് ഒരുക്കിയിരിക്കുന്ന ചിത്രമാണ് 'നദികളില് സുന്ദരി യമുന'. ചിത്രത്തിൽ കണ്ടത്തിൽ കണ്ണനായി ധ്യാൻ ശ്രീനിവാസനും വിദ്യാധരനായി അജു വർഗീസും എത്തുന്നു. പ്രഗ്യ നഗ്രയാണ് ചിത്രത്തിൽ നായിക യമുനയായി എത്തുന്നത്.
സിനിമാറ്റിക ഫിലിംസ് എല് എല് പിയുടെ ബാനറില് വിലാസ് കുമാര്, സിമി മുരിക്കഞ്ചേരി എന്നിവര് ചേര്ന്ന് നിർമ്മിക്കുന്ന ചിത്രം തിരക്കഥയെഴുതി സംവിധാനം ചെയ്യുന്നത് നവാഗതരായ വിജേഷ് പാണത്തൂര്, ഉണ്ണി വെള്ളാറ എന്നിവര് ചേര്ന്നാണ്. ക്രെസന്റ് റിലീസ് ത്രൂ സിനിമാറ്റിക്ക ഫിലിംസാണ് ചിത്രത്തിന്റെ വിതരണം. സുധീഷ്, കലാഭവന് ഷാജോണ്, നിര്മ്മല് പാലാഴി, നവാസ് വള്ളിക്കുന്ന്, സോഹന് സിനുലാല്, രാജേഷ് അഴിക്കോടന്, കിരണ് രമേശ്, ഭാനു പയ്യന്നൂര്, ശരത് ലാല്, ദേവരാജ് കോഴിക്കോട്, അനീഷ്, ആതിര,ആമി, പാര്വ്വണ, ഉണ്ണിരാജ, വിസ്മയ ശശികുമാർ എന്നിവരും നിരവധി പുതുമുഖങ്ങളും ഈ ചിത്രത്തില് അണിനിരക്കുന്നു.
മനു മഞ്ജിത്തിന്റെയും ഹരിനാരായണന്റെയും വരികള്ക്ക് അരുണ് മുരളീധരന് ഈണം പകര്ന്നിരിക്കുന്നു. ശങ്കര് ശര്മയാണ് പശ്ചാത്തല സംഗീതം. 'സരിഗമ'യാണ് ചിത്രത്തിന്റെ ഗാനങ്ങളുടെ റൈറ്റ്സ് സ്വന്തമാക്കിയിരിക്കുന്നത്. ചിത്രത്തിന്റെ തിയേറ്റര് റിലീസിന് ശേഷമുള്ള ഒ.ടി.ടി റൈറ്റ്സ് ഒ.ടി.ടി. കമ്പനിയായ HR OTT-യാണ് സ്വന്തമാക്കിയിരിക്കുന്നത്.
ഫൈസല് അലി ഛായാഗ്രഹണവും രതിന് രാധാകൃഷ്ണന് എഡിറ്റിംഗും നിര്വ്വഹിക്കുന്നു. കലാസംവിധാനം: അജയന് മങ്ങാട്, മേക്കപ്പ്: ജയന് പൂങ്കുളം, കോസ്റ്റ്യും ഡിസൈന്: സുജിത് മട്ടന്നൂര്, ചീഫ് അസ്സോസ്സിയേറ്റ് ഡയറക്ടര്: പ്രിജിന് ജെസ്സി, പ്രോജക്ട് ഡിസൈന്: അനിമാഷ്, വിജേഷ് വിശ്വം, കളറിസ്റ്റ്: ലിജു പ്രഭാകർ, സൗണ്ട് ഡിസൈൻ: ശ്രീജിത്ത് ശ്രീനിവാസൻ, സൗണ്ട് മിക്സിങ്: വിപിൻ നായർ, ഫിനാന്സ് കണ്ട്രോളര്: അഞ്ജലി നമ്പ്യാര്, പ്രൊഡക്ഷന് മാനേജര്: മെഹമൂദ്, പ്രൊഡക്ഷന് എക്സിക്യുട്ടീവ്സ്: പ്രസാദ് നമ്പ്യാങ്കാവ്, അനീഷ് നന്ദിപുലം, പ്രൊഡക്ഷന് കണ്ട്രോളര്: സജീവ് ചന്തിരൂര്, പി.ആര്.ഒ: വാഴൂര് ജോസ്, എ എസ് ദിനേഷ്, ആതിര ദില്ജിത്ത്, ഫോട്ടോ: സന്തോഷ് പട്ടാമ്പി, ഡിജിറ്റൽ മാർക്കറ്റിംഗ്: അനൂപ് സുന്ദരൻ, പ്രൊമോഷന് സ്റ്റില്സ്: രോഹിത് കെ സുരേഷ്.
Content Highlights: nadhikalil sundari yamuna dhyan sreenivasan movie new teaser released
Published: 21 Sept 2023, 06:52 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented