മോഹന്ലാലിനെ നായകനാക്കി ഒരുങ്ങുന്ന ബ്രഹ്മാണ്ഡ പാന് ഇന്ത്യന് ചിത്രം 'വൃഷഭ'യ്ക്കായുള്ള ആരാധകരുടെ കാത്തിരിപ്പ് അവസാനിക്കുന്നു. ചിത്രത്തെ സംബന്ധിച്ച പ്രധാന അപ്ഡേറ്റ് ചൊവ്വാഴ്ച പുറത്തുവിടുമെന്ന് മോഹന്ലാല് അറിയിച്ചു. ചിത്രത്തിനായുള്ള ഡബ്ബിങ് മോഹന്ലാല് കഴിഞ്ഞ ദിവസം പൂര്ത്തിയാക്കിയിരുന്നു.
നന്ദകിഷോര് സംവിധാനംചെയ്ത ചിത്രം മലയാളം, തെലുങ്ക്, ഹിന്ദി, ഇംഗ്ലീഷ് ഭാഷകളിലായാണ് ഒരുങ്ങുന്നത്. 'കാത്തിരിപ്പ് അവസാനിക്കുന്നു. ഗര്ജനം നാളെത്തുടങ്ങുന്നു. 'വൃഷഭ'യുടെ ലോകത്തേക്ക് കാലെടുത്തുവെക്കാന് തയ്യാറാവൂ'- എന്നാണ് മോഹന്ലാല് ഫെയ്സ്ബുക്കില് പോസ്റ്റര് പങ്കുവെച്ചുകൊണ്ട് കുറിച്ചത്.
കണക്ട് മീഡി, ബാലാജി ടെലിഫിലിംസ്, അഭിഷേക് എസ് വ്യാസ് സ്റ്റുഡിയോസ് എന്നിവയുടെ ബാനറില് ശോഭാ കപൂര്, എക്ത ആര് കപൂര്, സി.കെ. പദ്മകുമാര്, വരുണ് മാത്തുര്, സൗരഭ് മിശ്ര, അഭിഷേക് എസ്. വ്യാസ്, പ്രവീര് സിങ്, വിശാല് ഗുര്നാനി, ജൂഹി പരേഖ് മെഹ്ത്ത എന്നിവര് ചേര്ന്നാണ് ചിത്രം നിര്മിക്കുന്നത്.
ആന്റണി സാംസണ് ആണ് ഛായാഗ്രാഹകന്. കെ.എം. അബ്രഹാം എഡിറ്റിങ് നിര്വഹിക്കുന്നു. സാം സി.എസിന്റേതാണ് സംഗീതം. റസൂല് പൂക്കുട്ടി സൗണ്ട് ഡിസൈനിങ് നിര്വഹിക്കുന്നു.
Content Highlights: Mohanlal’s ‘Vrusshabha’ first glimpse to be unveiled on September 16
Published: 15 Sept 2025, 04:54 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented