പ്രതീകാത്മക ചിത്രം | Photo: Special Arrangement
ദുല്ഖര് സല്മാനെ നായകനാക്കി സെല്വമണി സെല്വരാജ് ഒരുക്കിയ 'കാന്ത' മികച്ച വിജയം നേടി പ്രദര്ശനം തുടരുമ്പോള്, ചിത്രത്തിന്റെ ദൈര്ഘ്യം കുറച്ച പുതിയ പതിപ്പ് ശനിയാഴ്ച മുതല് തീയേറ്ററുകളില് പ്രദര്ശിപ്പിച്ചു തുടങ്ങും. ചിത്രത്തിന്റെ ദൈര്ഘ്യവുമായി ബന്ധപ്പെട്ട പ്രേക്ഷകരുടേയും നിരൂപകരുടെയും അഭിപ്രായങ്ങള് മാനിച്ചാണ് 'കാന്ത' ടീം ചിത്രത്തിന്റെ ദൈര്ഘ്യം കുറച്ചത്. 12 മിനിറ്റോളമാണ് ചിത്രത്തിന്റെ ദൈര്ഘ്യം കുറച്ചിരിക്കുന്നതെന്നും രണ്ടാം പകുതിയിലാണ് കട്ട് വന്നിരിക്കുന്നതെന്നും അണിയറപ്രവര്ത്തകര് അറിയിച്ചു.
ഇപ്പോള് നിറഞ്ഞ സദസുകളില് പ്രദര്ശിപ്പിക്കുന്ന ചിത്രം പ്രമുഖ കേന്ദ്രങ്ങളിലെല്ലാം രണ്ടാം വാരത്തിലേക്കു പ്രവേശിച്ചു. ദുല്ഖര് സല്മാന്റെ ഉടമസ്ഥതയിലുള്ള വേഫേറര് ഫിലിംസ്, റാണ ദഗ്ഗുബാട്ടിയുടെ ഉടമസ്ഥതയിലുള്ള സ്പിരിറ്റ് മീഡിയ എന്നിവര് ചേര്ന്നാണ് 'കാന്ത' നിര്മിച്ചത്. ദുല്ഖര് സല്മാന്, ജോം വര്ഗീസ്, റാണ ദഗ്ഗുബാട്ടി, പ്രശാന്ത് പോട്ട്ലൂരി എന്നിവരാണ് ചിത്രത്തിന്റെ നിര്മാതാക്കള്. ചിത്രം കേരളത്തിലെത്തിച്ചത് വേഫറെര് ഫിലിംസ്.
യുവാക്കളും കുടുംബ പ്രേക്ഷകരും നല്ല സിനിമകളെ സ്നേഹിക്കുന്ന സിനിമാ പ്രേമികളും ഒരുപോലെ സ്വീകരിച്ച ചിത്രം മികച്ച നിരൂപക പ്രശംസയും നേടിയാണ് പ്രദര്ശനം തുടരുന്നത്. ദൈര്ഘ്യം കുറച്ചതോടെ, ചിത്രം കൂടുതല് ഒഴുക്കിലും വേഗതയിലും പ്രേക്ഷകര്ക്ക് ആസ്വദിക്കാന് സാധിക്കുമെന്ന പ്രതീക്ഷയിലാണ് അണിയറപ്രവര്ത്തകര്. കേരളം, തമിഴ്നാട്, ആന്ധ്ര, തെലുങ്കാന, കര്ണാടക സംസ്ഥാനങ്ങളിലും റസ്റ്റ് ഓഫ് ഇന്ത്യ മാര്ക്കറ്റിലും വിദേശ മാര്ക്കറ്റുകളിലും സ്ഥിരതയാര്ന്ന ബോക്സോഫീസ് പ്രകടനമാണ് ചിത്രം കാഴ്ച വെക്കുന്നത്.
ദുല്ഖര് സല്മാന്റെ കരിയറിലെ തന്നെ ഏറ്റവും മികച്ച പ്രകടനം പ്രേക്ഷകരുടെ മുന്നിലെത്തിച്ച ചിത്രം കൂടിയാണ് 'കാന്ത'. നടിപ്പ് ചക്രവര്ത്തി എന്ന വിളിപ്പേരില് അറിയപ്പെടുന്ന ടി.കെ. മഹാദേവന് എന്ന നടന് ആയി ദുല്ഖര് വേഷമിട്ട ചിത്രം, 1950-കളിലെ മദ്രാസിന്റെയും തമിഴ് സിനിമയുടെയും പശ്ചാത്തലത്തില് കഥ പറയുന്ന പീരീഡ് ഡ്രാമയായാണ് ഒരുക്കിയിരിക്കുന്നത്. ആദ്യപകുതിയില് ക്ലാസിക് ഡ്രാമ ആയി സഞ്ചരിക്കുന്ന ചിത്രം രണ്ടാം പകുതിയില് ഇന്വെസ്റ്റിഗേഷന് പ്രാധാന്യമുള്ള ഒരു ക്ലാസിക് ത്രില്ലര് ഫോര്മാറ്റിലാണ് മുന്നോട്ട് നീങ്ങുന്നത്.
ദുല്ഖറിനെ കൂടാതെ സമുദ്രക്കനി, റാണ ദഗ്ഗുബാട്ടി, ഭാഗ്യശ്രീ ബോര്സെ, രവീന്ദ്ര വിജയ്, ഭഗവതി പെരുമാള്, നിഴല്കള് രവി എന്നിവരാണ് ചിത്രത്തിലെ മറ്റുപ്രധാനതാരങ്ങള്. വേഫേറര് ഫിലിംസ് നിര്മിച്ച ആദ്യ അന്യഭാഷാ ചിത്രമാണ് 'കാന്ത'. തമിഴില് ഒരുക്കിയ ചിത്രം മലയാളം, തെലുങ്കു, ഹിന്ദി ഭാഷകളിലും റിലീസ് ചെയ്തിട്ടുണ്ട്.
ഛായാഗ്രഹണം: ഡാനി സാഞ്ചസ് ലോപ്പസ്, സംഗീതം: ഝാനു ചന്റര്, എഡിറ്റര്: ലെവെലിന് ആന്റണി ഗോണ്സാല്വേസ്, എക്സിക്യൂട്ടീവ് പ്രൊഡ്യൂസേഴ്സ്: സായ് കൃഷ്ണ ഗഡ്വാള്, സുജയ് ജയിംസ്, ലൈന് പ്രൊഡ്യൂസര്: ശ്രാവണ് പലപര്ത്തി, കലാസംവിധാനം: രാമലിംഗം, വസ്ത്രാലങ്കാരം: പൂജിത തടികൊണ്ട, അര്ച്ചന റാവു, ഹര്മന് കൗര്, സൗണ്ട് ഡിസൈന്: ആല്വിന് റെഗോ, സഞ്ജയ് മൗര്യ, അഡീഷണല് തിരക്കഥ: തമിഴ് പ്രഭ, വിഎഫ്എക്സ്: ഡെക്കാണ് ഡ്രീംസ്, ഡിഐ കളറിസ്റ്റ്: ഗ്ലെന് ഡെന്നിസ് കാസ്റ്റിഞൊ, പബ്ലിസിറ്റി ഡിസൈന്: എയ്സ്തെറ്റിക്ക് കുഞ്ഞമ്മ, ടൂ സിഡ്.
Content Highlights: Dulquer Salmaan`s critically acclaimed film `Kaantha` has been shortened by 12 minutes
Published: 22 Nov 2025, 11:53 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented