കാന്: ഇറാനിയന് ചലിച്ചിത്രസംവിധായകന് ജാഫര് പനാഹി 15 വര്ഷത്തിനുശേഷം ഒരു അന്താരാഷ്ട്ര ചലച്ചിത്രോത്സവത്തിനെത്തി. ചൊവ്വാഴ്ച കാന് ചലച്ചിത്രോത്സവത്തിലാണ് തന്റെ പുതിയ ചിത്രമായ 'ഇറ്റ് വാസ് ജസ്റ്റ് ആന് ആക്സിഡന്റു'മായി പനാഹിയെത്തിയത്. രാഷ്ട്രീയത്തടവുകാര് അവരെ തടവിലിട്ടവരോടു പ്രതികാരം ചെയ്യാനെത്തുന്ന കഥയാണിത്.
സര്ക്കാരിനെതിരായി ചലച്ചിത്രങ്ങളെടുക്കുന്നു എന്നാരോപിച്ച് 2009 മുതല് പലവട്ടം ഇറാന് പനാഹിയെ അറസ്റ്റുചെയ്തിട്ടുണ്ട്. സിനിമയെടുക്കുന്നതില്നിന്ന് 20 വര്ഷത്തേക്ക് വിലക്കുകയും ചെയ്തു.
2023 ഫെബ്രുവരിയില് ടെഹ്റാനിലെ കുപ്രസിദ്ധമായ എവിന് ജയിലില് ഏഴുമാസത്തോളം കിടന്നതാണ് പുതിയസിനിമയ്ക്കുള്ള പ്രചോദനമെന്ന് 64-കാരനായ പനാഹി പറഞ്ഞു. സിനിമയെടുക്കാന് വിലക്കുള്ളപ്പോഴും 'നോ ബെയേഴ്സ്' ഉള്പ്പെടെയുള്ളവ അദ്ദേഹം രഹസ്യമായി ഷൂട്ടുചെയ്തു. പുതിയചിത്രവും അങ്ങനെയെടുത്തതാണ്. 'പാം ദോറി'നായി മത്സരിക്കുന്ന ചിത്രമാണിത്.
അതിനിടെ, വിക്കിലീക്സ് സ്ഥാപകന് ജൂലിയന് അസാഞ്ജും ബുധനാഴ്ച കാനിലെത്തി. അദ്ദേഹത്തെക്കുറിച്ചുള്ള ഡോക്യുമെന്ററിയായ 'ദ സിക്സ് ബില്യന് ഡോളര് മാന്റെ' പ്രഥമപ്രദര്ശനത്തിനാണ് അസാഞ്ജ് എത്തിയത്. അമേരിക്കന് നടന് ഡെന്സെല് വാഷിങ്ടണിന് (70) ആജീവനാന്ത സംഭാവനയ്ക്കുള്ള ഓണററി പാം ദോര് തിങ്കളാഴ്ച സമ്മാനിച്ചു.
Content Highlights: Iranian filmmaker Jafar Panahi`s new movie, `It Was Just an Accident,` premieres at Cannes
Published: 21 May 2025, 08:40 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented