തെലുങ്ക് സൂപ്പര്താരം നാനിയുടെ 32-ാമത് ചിത്രം 'ഹിറ്റ് 3' കേരളത്തില് പ്രദര്ശനത്തിനെത്തിക്കുന്നത് ദുല്ഖര് സല്മാന്റെ വേഫെറര് ഫിലിംസ്. മേയ് ഒന്നിന് ചിത്രം ആഗോള റിലീസായി എത്തും. ഡോ. ശൈലേഷ് കോലാനു സംവിധാനം ചെയ്ത ഈ ചിത്രം നിര്മിക്കുന്നത് വാള് പോസ്റ്റര് സിനിമയുടെ ബാനറില് പ്രശാന്തി തിപിര്നേനിക്കൊപ്പം നാനിയുടെ യുനാനിമസ് പ്രൊഡക്ഷന്സും ചേര്ന്നാണ്. സൂപ്പര്വിജയം നേടിയ ഹിറ്റ്, ഹിറ്റ് 2 എന്നിവക്ക് ശേഷം എത്തുന്ന, ഈ ഫ്രാഞ്ചൈസിലെ മൂന്നാം ചിത്രമെന്ന നിലയിലും പ്രേക്ഷകര് ഏറെ ആവേശത്തോടെ കാത്തിരിക്കുന്ന ചിത്രമാണ് ഹിറ്റ് 3.
ചിത്രത്തിന്റെ ട്രെയ്ലര് ഏപ്രില് 14-ന് റിലീസ് ചെയ്തിരുന്നു. ആദ്യാവസാനം ആരാധകരെ ത്രസിപ്പിക്കുന്ന മാസ് ആക്ഷന് ചിത്രമാണ് ഹിറ്റ് 3 എന്ന് ട്രെയ്ലര് സൂചിപ്പിക്കുന്നു. നാനി അവതരിപ്പിക്കുന്ന അര്ജുന് സര്ക്കാര് എന്ന പോലീസ് ഓഫീസര് കഥാപാത്രത്തെ കേന്ദ്രീകരിച്ചാണ് ചിത്രത്തിന്റെ കഥ വികസിക്കുന്നതെന്നും ടീസര്, ട്രെയ്ലര് എന്നിവ വ്യക്തമാക്കുന്നുണ്ട്. ശ്രീനിധി ഷെട്ടിയാണ് ചിത്രത്തിലെ നായിക.
പ്രേക്ഷകര് ഇതുവരെ കാണാത്ത തരത്തില്, വളരെ വയലന്റ് ആയ, അതിശക്തമായ പോലീസ് കഥാപാത്രത്തെയാണ് നാനി ചിത്രത്തില് അവതരിപ്പിച്ചിരിക്കുന്നത്. അദ്ദേഹത്തിന്റെ കരിയറിലെ ഏറ്റവും ഹൈപ്പുള്ള ചിത്രമായാണ് ഹിറ്റ് 3 എത്തുന്നത്. പോലീസ് ഫോഴ്സിനെ ഒന്നാകെ അലട്ടുന്ന ഒരു കൊലപാതക പരമ്പര അന്വേഷിക്കാന് എത്തുന്ന നായക കഥാപാത്രമാണ് നാനിയുടെ അര്ജുന് സര്ക്കാര്. വമ്പന് ബജറ്റില് മികച്ച സാങ്കേതിക സംഘത്തിന്റെ പിന്തുണയോടെ പ്രേക്ഷകരെ ത്രസിപ്പിക്കുന്ന ഒരു സിനിമാനുഭവം നല്കാനുള്ള ഒരുക്കത്തിലാണ് ചിത്രത്തിന്റെ സംവിധായകന് ശൈലേഷ് കോലാനു. തെലുങ്ക്, തമിഴ്, കന്നഡ, ഹിന്ദി, മലയാളം ഭാഷകളിലാണ് ചിത്രം ആഗോള റിലീസായി എത്തുന്നത്.
ഛായാഗ്രഹണം: സാനു ജോണ് വര്ഗീസ്, സംഗീതം: മിക്കി ജെ മേയര്, എഡിറ്റര്: കാര്ത്തിക ശ്രീനിവാസ് ആര്, പ്രൊഡക്ഷന് ഡിസൈനര്: ശ്രീനാഗേന്ദ്ര തങ്കാല, രചന: ശൈലേഷ് കോലാനു, എക്സിക്യൂട്ടീവ് പ്രൊഡ്യൂസര്: എസ്. വെങ്കിട്ടരത്നം (വെങ്കട്ട്), ശബ്ദമിശ്രണം: സുരന് ജി, ലൈന് പ്രൊഡ്യൂസര്: അഭിലാഷ് മന്ദധ്പു, ചീഫ് കോ-ഡയറക്ടര്: വെങ്കട്ട് മദ്ദിരാല, കോസ്റ്റ്യൂം ഡിസൈനര്: നാനി കമരുസു, എസ്എഫ്എക്സ്: സിങ്ക് സിനിമ, വിഎഫ്എക്സ് സൂപ്പര്വൈസര്: വിഎഫ്എക്സ് ഡിടിഎം, ഡിഐ: ബി2എച്ച് സ്റ്റുഡിയോസ്, കളറിസ്റ്റ്: എസ്. രഘുനാഥ് വര്മ, മാര്ക്കറ്റിങ്: ഫസ്റ്റ് ഷോ, പിആര്ഒ: ശബരി.
Content Highlights: Nani`s HIT 3, a high-octane action thriller, releases globally on May 1st
Published: 16 Apr 2025, 07:15 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented