സത്യന്‍ അന്തിക്കാട്, പ്രിയദര്‍ശന്‍, ബ്ലെസി എന്നിവരുടെ സംവിധാനത്തില്‍ തനിക്ക് അഭിനയിക്കാന്‍ ആഗ്രഹമുള്ള തരം സിനിമകള്‍ വെളിപ്പെടുത്തി നടന്‍ ഫഹദ് ഫാസില്‍. ഓരോ സംവിധായകരും അവരുടെ തന്നെ മുന്‍ ഉദാഹരണങ്ങളുമാണ് താരം ഒരു ഇന്റര്‍വ്യൂവില്‍ തുറന്നുപറഞ്ഞത്. സത്യന്‍ അന്തിക്കാടിന്റെ അഭിനയത്തില്‍ 'ടിപി ബാലഗോപാലന്‍ എംഎ', പ്രിയദര്‍ശന്റെ 'ചെപ്പ്', ബ്ലെസിയുടെ 'തന്മാത്ര' പോലുള്ള സിനിമകളില്‍ അഭിനയിക്കണമെന്നാണ് താരം പറഞ്ഞത്.
അതേസമയം, ഫഹദിന്റെ ലിസ്റ്റിലെ ചിത്രങ്ങളെല്ലാം മോഹന്‍ലാല്‍ നായകനായവയാണെന്ന്‌ ചൂണ്ടിക്കാട്ടി ആരാധകര്‍ രംഗത്തെത്തി. ബ്ലെസിയുടെ ചിത്രങ്ങളില്‍ 'ഭ്രമരം' എന്ന് പറയാനൊരുങ്ങിയത് തിരുത്തിയ ശേഷമാണ് ഫഹദ് 'തന്മാത്ര' എന്ന് പറഞ്ഞതും ശ്രദ്ധേയമാണ്.
നേരത്തെ, മോഹന്‍ലാലിനെ നായകനാക്കി പദ്മരാജന്‍ സംവിധാനംചെയ്ത 'സീസണ്‍' എന്ന ചിത്രം റീമേക്ക് ചെയ്യണം എന്ന ആഗ്രഹവും ഫഹദ് പ്രകടിപ്പിച്ചിരുന്നു. റീമേക്ക് ചെയ്യാനായി താന്‍ അമല്‍ നീരദിനോട് അഭ്യര്‍ഥിച്ചിരുന്നുവെന്നും ഫഹദ് അന്ന് പറഞ്ഞു. നിര്‍ബന്ധമായും കണ്ടിരിക്കേണ്ട ചിത്രങ്ങളെക്കുറിച്ച് അഭിപ്രായം ചോദിച്ചപ്പോള്‍, ഫഹദ് പറഞ്ഞ അഞ്ചെണ്ണത്തിലെ ഏകമലയാളം ചിത്രമായിരുന്നു 'സീസണ്‍'.
Content Highlights: Fahadh Faasil`s Dream Roles: Sathyan Anthikad, Priyadarshan, Blessy Films
Published: 17 Aug 2025, 09:49 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented