മലയാളത്തിലെ യുവ നടന്മാരിലൊരാളായ അര്ജ്ജുന് അശോകന് നായകനായെത്തുന്ന ഇന്വെസ്റ്റിഗേഷന് ത്രില്ലര് ചിത്രം 'ആനന്ദ് ശ്രീബാല' നവംബര് 15-ന് റിലീസിനെത്തും. അര്ജ്ജുന് അശോകന് പോലീസ് ഓഫീസറുടെ വേഷത്തിലെത്തുന്ന ആദ്യചിത്രമാണിത്. ലോ കോളേജ് വിദ്യാര്ത്ഥിയായ മെറിന്റെ മരണവും അതിനോടനുബന്ധിച്ചുള്ള പോലീസ് അന്വേഷണവുമാണ് ചിത്രത്തില് ദൃശ്യാവിഷ്കരിക്കുന്നത്. യഥാര്ത്ഥ സംഭവത്തെ ആസ്പദമാക്കി ഒരുങ്ങുന്ന സിനിമയാണ് 'ആനന്ദ് ശ്രീബാല'യെന്ന് അണിയറ പ്രവര്ത്തകര് നേരത്തേ പുറത്തുവിട്ടിരുന്നു.
കേരള പൊലീസിനെ വട്ടംകറക്കിയ ആ ക്രൈം ഏതാണെന്നറിയാനുള്ള അതിയായ ആകാംക്ഷയിലാണ് പ്രേക്ഷകര്. അഭിലാഷ് പിള്ളയാണ് ചിത്രത്തിന്റെ തിരക്കഥാകൃത്ത്. ചിത്രത്തിലെ കേന്ദ്ര കഥാപാത്രമായ ആനന്ദ് ശ്രീബാലയെയാണ് അര്ജ്ജുന് അശോകന് അവതരിപ്പിക്കുന്നത്. കാവ്യ ഫിലിം കമ്പനി, ആന് മെഗാ മീഡിയ എന്നീ ബാനറുകളില് പ്രിയ വേണുവും നീതാ പിന്റോയും ചേര്ന്നാണ് ചിത്രം നിര്മിക്കുന്നത്.
'മാളികപ്പുറം', '2018' എന്നീ വിജയ ചിത്രങ്ങള്ക്ക് ശേഷം കാവ്യ ഫിലിം കമ്പനിയും ആന് മെഗാ മീഡിയയും വീണ്ടും ഒന്നിക്കുന്ന ചിത്രത്തില് അപര്ണദാസ്, സൈജു കുറുപ്പ്, ധ്യാന് ശ്രീനിവാസന്, അജു വര്ഗീസ്, ഇന്ദ്രന്സ്, സംഗീത, മനോജ് കെ.യു., ശിവദ, അസീസ് നെടുമങ്ങാട്, കോട്ടയം നസീര്, നന്ദു, സലിം ഹസ്സന്, കൃഷ്ണ, വിനീത് തട്ടില്, മാസ്റ്റര് ശ്രീപദ്, സരിത കുക്കു, തുഷാരപിള്ള തുടങ്ങിവരാണ് മറ്റ് പ്രധാന വേഷങ്ങളെ അവതരിപ്പിക്കുന്നത്.
ഛായാഗ്രഹണം: വിഷ്ണു നാരായണന്, ചിത്രസംയോജനം: കിരണ് ദാസ്, സംഗീതം: രഞ്ജിന് രാജ്, ചീഫ് അസ്സോസിയേറ്റ് ഡയറക്ടര്: ബിനു ജി. നായര്, ലൈന് പ്രൊഡ്യൂസേര്സ്: ഗോപകുമാര് ജി.കെ., സുനില് സിംഗ്, പ്രൊഡക്ഷന് കണ്ട്രോളര്: ഷാജി പട്ടിക്കര, ടീസര് കട്ട്: അനന്ദു ഷെജി അജിത്, ഡിസൈന്: ഓള്ഡ് മോങ്ക്സ്, സ്റ്റീല്സ്: ലെബിസണ് ഗോപി, പിആര്ഒ & മാര്ക്കറ്റിംഗ്: വൈശാഖ് വടക്കേവീട്, ജിനു അനില്കുമാര്.
Content Highlights: Anand sreebala movie release on friday
Published: 13 Nov 2024, 04:59 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented