കോഴിക്കോട്: കേരളത്തിലെ ആദ്യ ഹിന്ദുസ്ഥാനി സംഗീതപഠനകേന്ദ്രമായി ഉമ്പായി മ്യൂസിക് അക്കാദമി കോഴിക്കോട്ട് വരുന്നു. ജില്ലയ്ക്കുതന്നെ അഭിമാനമാകുന്ന അക്കാദമിയുടെ ശിലാസ്ഥാപം 11-ന് 12 മണിക്ക് കുറ്റിക്കാട്ടൂര്‍ മൊണ്ടാന എസ്റ്റേറ്റില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. മന്ത്രി സജി ചെറിയാന്‍ അധ്യക്ഷതവഹിക്കും.
മന്ത്രിമാരായ പി.എ. മുഹമ്മദ് റിയാസ്, അഹമ്മദ് ദേവര്‍കോവില്‍, എം.കെ. രാഘവന്‍ എം.പി., എം.എല്‍.എ.മാരായ പി.ടി.എ. റഹീം, എം.കെ. മുനീര്‍, തോട്ടത്തില്‍ രവീന്ദ്രന്‍, കളക്ടര്‍ സ്‌നേഹില്‍ കുമാര്‍ സിങ്, മലബാര്‍ ഗ്രൂപ്പ് ചെയര്‍മാന്‍ എം.പി. അഹമ്മദ്, യു.എല്‍.സി.സി.എസ്. ചെയര്‍മാന്‍ രമേശന്‍ പാലേരി, സമീര്‍ ഉമ്പായി എന്നിവര്‍ പങ്കെടുക്കും.
മലബാര്‍ ഗ്രൂപ്പ് ചെയര്‍മാന്‍ എം.പി. അഹമ്മദ് ഇഷ്ടദാനമായി നല്‍കിയ കുറ്റിക്കാട്ടൂരിലെ മൊണ്ടാന എസ്റ്റേറ്റിലെ 20 സെന്റ് സ്ഥലത്ത് 13 കോടി ചെലവിലാണ് അക്കാദമി നിര്‍മിക്കുന്നത്. സംസ്ഥാന സര്‍ക്കാര്‍ രണ്ടരക്കോടി ഗ്രാന്റ് അനുവദിച്ചിട്ടുണ്ട്.
ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിയാണ് കെട്ടിടത്തിന്റെ നിര്‍മാണം ഏറ്റെടുത്തിരിക്കുന്നത്. 2025 അവസാനത്തോടെ കെട്ടിടത്തിന്റെ പണി പൂര്‍ത്തിയാകുമെന്ന് അക്കാദമി ട്രസ്റ്റ് സെക്രട്ടറി അബ്ദുള്‍ സലാം പറഞ്ഞു.
Content Highlights: umbayi music academy kozhikode
Published: 08 Nov 2023, 11:01 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented