തൃശൂർ മാജിക് എഫ്‌സി തങ്ങളുടെ ഔദ്യോഗിക പ്രമോ വീഡിയോ ഗാനം പുറത്തിറക്കി. ഇപ്പോൾ നടന്നു വരുന്ന സൂപ്പർ ലീഗ് കേരള സീസണിലെ തൃശൂർ എഫ്സിക്ക് കൂടുതൽ ആവേശവും ഊർജ്ജവും പകരുന്ന രീതിയിൽ ഉള്ളതാണ് ഈ ഗാനം. മാജിക്‌ ഫ്രെയിംസിന്റെ ഉടമയും പ്രമുഖ നിർമ്മാതാവുമായ ലിസ്റ്റിൻ സ്റ്റീഫന്റെ ഉടമസ്ഥതയിൽ ഉള്ളതാണ് തൃശൂർ മാജിക്‌ എഫ് സി.

To advertise here,

തൃശ്ശൂരിന്റെ താള-മേളങ്ങളുടെ ഭംഗി വിളിച്ചോതുന്ന രീതിയിലാണ് ഈ ഗാനം. സന്തോഷ് കൃഷ്ണനാണ് ഇതിന്റെ കോൺസെപ്റ്, ഡയറക്ഷൻ എന്നിവ ചെയ്തിരിക്കുന്നത്. വില്യം ഫ്രാൻസിസിന്റെ സംഗീതവും ചോക്ലി റാപ്പറുടെ വരികളും ഇരുവരുടെയും വോക്കലുകളും ചേർന്ന് രൂപപ്പെടുന്ന ഈ ദൃശ്യമികവുറ്റ പ്രമോയ്ക്ക് പ്രകാശ് വേലായുധൻ്റെ ഛായാഗ്രഹണവും രതീഷ് മോഹനൻ്റെ കൃത്യമായ എഡിറ്റിംഗും കൂട്ടുചേരുന്നു. ക്ലബ്ബിന്റെ ബ്രാൻഡ് അംബാസഡറായ നടൻ കുഞ്ചാക്കോ ബോബനും ടീമിന്റെ പ്രമോഷനുകൾക്ക് മുഖ്യധാരാ ദൃശ്യമാനത കൂട്ടുന്നതിൽ തുടർന്നും പങ്കെടുത്തു കൊണ്ടിരിക്കുന്നു.

2024-ൽ രൂപം കൊണ്ട തൃശൂർ മാജിക് എഫ്‌സി തൃശൂർ ജില്ലയുടെ പ്രതിനിധികളാണ്. തൃശൂർ കോർപ്പറേഷൻ സ്റ്റേഡിയത്തിൽ വെച്ചാണ് തൃശൂർ എഫ് സി യുടെ ഹോം മത്സരങ്ങൾ നടക്കുന്നത്. സംസ്ഥാനത്ത് ഫുട്ബോളിനെ പ്രൊഫഷണൽ തലത്തിലേക്ക് ഉയർത്തുകയെന്ന ലക്ഷ്യത്തോടെ ആരംഭിച്ച സൂപ്പർ ലീഗ് കേരളയുടെ ഭാഗമാണ് ഈ ടീം.

കോപ്രൊഡ്യൂസർ : ജസ്റ്റിൻ സ്റ്റീഫൻ, പ്രൊജക്റ്റ് ഡിസൈൻ :ഹരീഷ് എം രാജീവ്, എക്സിക്യൂട്ടീവ് പ്രൊഡ്യൂസർ : നവീൻ പി. തോമസ്, ലൈൻ പ്രൊഡ്യൂസർ : അഖിൽ യശോധരൻ, അഡ്മിനിസ്ട്രേഷൻ & ഡിസ്ട്രിബ്യൂഷൻ ഹെഡ് : ബാബിൻ ബാബു, ഡി.ഒ.പി : പ്രകാശ് വേലയുധൻ,എഡിറ്റർ : രതീഷ് മോഹനൻ, കംപോസ് : വില്യം ഫ്രാൻസിസ്, ലിറിക്‌സ് : ചൊക്ലി റാപ്പർ, ഗായകർ : വില്യം ഫ്രാൻസിസ്, ചൊക്ലി റാപ്പർ, മീഡിയ : ഗോദ്ഫി സേവ്യർ ബാബു, പ്രൊഡക്ഷൻ കൺട്രോളർ : അനിൽ ജി. നമ്പ്യാർ, കലറിസ്റ്റ് : ജോജി പരക്കൽ, സൗണ്ട് ഡിസൈൻ & മിക്‌സ് : ആസിഷ് ഇല്ലിക്കൽ, വി.എഫ്.എക്‌സ് & അനിമേഷൻ : ഡോട്ട് VFX സ്റ്റുഡിയോസ്, അസോസിയേറ്റ് ക്യാമറാമാൻ : കിരൺ കിഷോർ, അസോസിയേറ്റ് എഡിറ്റർ : ജോൺസൺ ജോസ്, ഡി.ഐ കോൺഫോർമിസ്റ്റ് : ഹിഷാം യൂസുഫ്, ഹെലികാം : സജിേഷ് സത്യദേവ, മാർക്കറ്റിംഗ് : ബ്രിംഗ്‌ഫോർത്ത് അഡ്വർട്ടൈസിംഗ്