ജോജു ജോർജ്, ശ്രുതി രാമചന്ദ്രൻ എന്നിവർ മുഖ്യവേഷത്തിലെത്തുന്ന മധുരത്തിലെ ആദ്യ​ഗാനമെത്തി. ​ഗാനമേ തന്നു നീ എന്നു തുടങ്ങുന്ന ​ഗാനം ആലപിക്കുന്നത് സൂരജ് സന്തോഷാണ്. വിനായക് ശശികുമാറിന്റെ വരികൾക്ക് ഹെഷാം അബ്ദുൾ വഹാബ് ഈണം പകർന്നിരിക്കുന്നു.

To advertise here,

ജൂൺ എന്ന ചിത്രത്തിന് ശേഷം അഹമ്മദ് കബീർ കഥയും സംവിധാനവും നിർവഹിക്കുന്ന ചിത്രമാണ് മധുരം. അർജുൻ അശോകൻ, നിഖില വിമൽ, ജ​ഗദീഷ്, ജാഫർ ഇടുക്കി, ഇന്ദ്രൻസ്, നവാസ് വള്ളിക്കുന്ന് തുടങ്ങി വൻതാരനിരയാണ് ചിത്രത്തിൽ അണിനിരക്കുന്നത്. ആഷിഖ് ഐമർ, ഫാഹിം സഫർ എന്നിവരുടേതാണ് തിരക്കഥ. 

ജിതിൻ സ്റ്റാനിസ്ലോസ് ഛായാ​ഗ്രഹണവും മഹേഷ് ഭുവനേന്ദ് എഡിറ്റിങ്ങും നിർവഹിക്കുന്നു. ​ഗോവിന്ദ് വസന്തയാണ് ട്രെയിലറിന് സം​ഗീതം പകർന്നിരിക്കുന്നത്. അപ്പു പാത്തു പപ്പു പ്രൊഡക്ഷൻസിന്റെ ബാനറിൽ ജോജു ജോർജും സിജോ വടക്കനും ചേർന്നാണ് മധുരത്തിന്റെ നിർമാണം. ചിത്രം സോണി ലിവിലൂടെ പ്രേക്ഷകരിലേക്കെത്തും.

Content Highlights: Gaaname Video Song, Madhuram movie, Joju George, Shruti Ramachandran