ഓഹരി വിപണിയിൽ മികച്ച മുന്നേറ്റത്തോടെ റിലയൻസ് ഇൻഡസ്ട്രീസിന്റെ ഡിജിറ്റൽ സേവന വിഭാഗമായ ജിയോ പ്ലാറ്റ്ഫോംസ് ലിസ്റ്റ് ചെയ്തു. പ്രാരംഭ ഓഹരി വിൽപ്പന (ഐ.പി.ഒ.) വിലയേക്കാൾ 21 ശതമാനത്തിലധികം പ്രീമിയത്തിലാണ് വിപണിയിൽ വ്യാപാരം ആരംഭിച്ചത്. എൻ.എസ്.ഇ.യിലും ബി.എസ്.ഇ.യിലും 1,119 രൂപയായിരുന്നു ഓഫർ വിലയെങ്കിൽ, 1,358 രൂപയിലാണ് ഓഹരികൾ ലിസ്റ്റ് ചെയ്തത് (ബി.എസ്.ഇ.യിൽ 21.36% പ്രീമിയം).
അരങ്ങേറ്റത്തിന് പിന്നാലെ ജിയോ പ്ലാറ്റ്ഫോംസിന്റെ വിപണി മൂല്യം 12.5 ലക്ഷം കോടി രൂപ (12,50,586.39 കോടി രൂപ) കടന്നു. ഇതോടെ രാജ്യത്തെ ഏറ്റവും മൂല്യമുള്ള മുൻനിര ലിസ്റ്റഡ് കമ്പനികളുടെ നിരയിലേക്ക് ജിയോയുമെത്തി. ആഗോള ടെക് ഭീമന്മാരായ മെറ്റ, ആൽഫബെറ്റിന്റെ ഗൂഗിൾ എന്നിവയുടെ പങ്കാളിത്തമുള്ള ജിയോയ്ക്ക് നിലവിൽ 53 കോടി ഉപഭോക്താക്കളുണ്ട്.

To advertise here,

ഐ.പി.ഒ.

ഓഫർ വില

₹1,119

എൻ.എസ്.ഇ. /

ബി.എസ്.ഇ.

ലിസ്റ്റിങ് വില

₹1,358

പ്രീമിയം

21.36% (BSE)

സമാഹരിച്ച തുക

₹30,200 കോടി

വിപണി മൂല്യം

₹12,50,586.39 കോടി

(₹12.50 ലക്ഷം

കോടിയിലധികം)

ഉപഭോക്താക്കളുടെ

എണ്ണം

53 കോടി

 

30,213 കോടി രൂപ സമാഹരിക്കാനായി നടത്തിയ ഓഹരിവിൽപ്പനയിൽ 22.2 മടങ്ങ് സബ്സ്‌ക്രിപ്ഷനാണ് ലഭിച്ചത്. ഒരു പൊതു ഓഹരിവിൽപ്പനയ്ക്ക് ആഗോളതലത്തിൽ ഒരുകോടിയിലധികം അപേക്ഷകൾ ലഭിക്കുന്നത് ഇതാദ്യമായാണ്. ഓഹരിയൊന്നിന് 1,119 രൂപ എന്ന ഉയർന്ന പ്രൈസ് ബാൻഡിലാണ് ഇഷ്യൂവില നിശ്ചയിച്ചത്.

ഐ.പി.ഒ. ആരംഭിച്ചതിന് പിന്നാലെ 100 മിനിറ്റിനുള്ളിൽ മുഴുവനായും സബ്സ്ക്രൈബ് ചെയ്തു. ഇന്ത്യൻ ഐ.പി.ഒ. ചരിത്രത്തിലെ ഏറ്റവും വേഗമേറിയ സബ്സ്ക്രിപ്ഷനാണിത്. ക്വാളിഫൈഡ് ഇൻസ്റ്റിറ്റ്യൂഷണൽ ബയേഴ്സ് (ക്യു.ഐ.ബി.) വിഭാഗം ആദ്യ 10 മിനിറ്റിനുള്ളിൽ സബ്സ്ക്രൈബ് ചെയ്തു. ഈ വിഭാഗത്തിൽ 70.55 മടങ്ങായിരുന്നു സബ്സ്ക്രിപ്ഷൻ. എൽ.ഐ.സി., ബ്ലാക്ക്റോക്ക്, ഫിഡെലിറ്റി തുടങ്ങിയ വൻകിടക്കാർ ആങ്കർ ബുക്കിൽ പങ്കാളികളായി.

നോൺ ഇൻസ്റ്റിറ്റ്യൂഷണൽ ഇൻവെസ്റ്റേഴ്സ് വിഭാഗത്തിൽ 14 മടങ്ങായിരുന്നു സബ്സ്ക്രിപ്ഷൻ. റീട്ടെയിൽ വിഭാഗത്തിലാകട്ടെ 2.72 മടങ്ങും.