നികുതി നൽകേണ്ടതില്ലെങ്കിലും ഐടി റിട്ടേൺ ഫയൽ ചെയ്യേണ്ടതുണ്ടോ? ശമ്പള വരുമാനക്കാർക്കിടയിൽ വ്യാപകമായുള്ള സംശയമാണിത്. സ്റ്റാൻഡേഡ് ഡിഡക്ഷനും റിബേറ്റും ഉൾപ്പടെ 12.75 ലക്ഷംവരെ വരുമാനമുള്ള ശമ്പള വരുമാനക്കാർക്ക് നികുതി ബാധ്യതയില്ലെങ്കിലും റിട്ടേൺ നൽകേണ്ടതുണ്ട്. എങ്കിൽ മാത്രമേ ഈ ആനുകൂല്യം ലഭിക്കൂ. മൂലധന നേട്ടം, ഡിജിറ്റൽ ആസ്തി(VDA), ലോട്ടറി തുടങ്ങിയ പ്രത്യേക വരുമാനങ്ങൾക്ക് നിശ്ചിത നിരക്കിൽ നികുതി നൽകുകയും വേണം. നികുതി വിധേയ വരുമാനം പരിധിയിൽ കുറവാണെങ്കിലും വിദേശ യാത്ര നടത്തിയവരും വൻതുക വൈദ്യുതി ബില്ല് നൽകിയവരും ഐടിആർ ഫയൽ ചെയ്യണം.
വിശദമായി അറിയാം
ശമ്പള വരുമാനവും റിബേറ്റും
ശമ്പള വരുമാനം 12.75 ലക്ഷം രൂപ വരെയുള്ള വ്യക്തികൾക്ക് പുതിയ വ്യവസ്ഥയിൽ നികുതി ബാധ്യത ഒഴിവാക്കാം.
സ്റ്റാൻഡേർഡ് ഡിഡക്ഷൻ: ശമ്പള വരുമാനക്കാർക്ക് മാത്രം ലഭിക്കുന്ന ഈ ആനുകൂല്യം നികുതി ബാധകമായ വരുമാനം കുറയ്ക്കാൻ സഹായിക്കുന്നു.
വകുപ്പ് 87A റിബേറ്റ്: റിബേറ്റ് വഴി നികുതി ബാധ്യത ഇല്ലാതാകും.
ഐടിആർ ഫയൽ ചെയ്യൽ: ഐടിആർ ഫയൽ ചെയ്താൽ മാത്രമേ വകുപ്പ് 87A പ്രകാരമുള്ള നികുതി ഇളവ് ക്ലെയിം ചെയ്യാൻ സാധിക്കൂ.
പ്രത്യേക നികുതി നിരക്ക്
ശമ്പള വരുമാനം പരിധിയിൽ താഴെയാണെങ്കിലും പ്രത്യേക വരുമാനങ്ങൾക്ക് റിബേറ്റ് ലഭിക്കില്ല. ഇവയ്ക്ക് നിശ്ചിത നിരക്കുകളിൽ നികുതി നൽകണം:
മൂലധന നേട്ടം (Capital Gains): ഓഹരി, മ്യൂച്വൽ ഫണ്ട്, റിയൽ എസ്റ്റേറ്റ് എന്നിവയിൽ നിന്നുള്ള നേട്ടത്തിന് പ്രത്യേക നിരക്കിൽ നികുതി ഈടാക്കും. 2025-ലെ ബജറ്റ് പ്രകാരം ഹ്രസ്വകാല മൂലധന നേട്ടങ്ങൾക്കും (STCG) 87A റീബേറ്റ് ലഭ്യമല്ല.
ഡിജിറ്റൽ ആസ്തി (VDA): ക്രിപ്‌റ്റോ കറൻസി ഉൾപ്പെടെയുള്ള ഡിജിറ്റൽ ആസ്തികളിൽ നിന്നുള്ള വരുമാനത്തിന് സെസ്, സർചാർജ് എന്നിവ കൂടാതെ 30 ശതമാനം നികുതി നൽകണം.
ലോട്ടറിയും ഊഹക്കച്ചവടവും: ലോട്ടറി, കുതിരപ്പന്തയം തുടങ്ങിയവയിൽ നിന്നുള്ള വരുമാനത്തിന് 30 ശതമാനം നികുതി ഈടാക്കും.
മൂലധന നേട്ട നികുതി
| ആസ്തി | ദീർഘകാല ആസ്തിയായി കണക്കാക്കാനുള്ള കാലയളവ് | ദീർഘകാല മൂലധന നേട്ടം (LTCG) | ഹ്രസ്വകാല മൂലധന നേട്ടം (STCG) |
|---|---|---|---|
| ലിസ്റ്റഡ് ഓഹരികൾ | 12 മാസം | 1.25 ലക്ഷം രൂപ വരെ ഇളവ്; ബാക്കിയുള്ളതിന് 12.5% (ഇൻഡക്സേഷൻ ഇല്ലാതെ) | 20% |
| ഇക്വിറ്റി മ്യൂച്വൽ ഫണ്ടുകൾ | 12 മാസം | 1.25 ലക്ഷം രൂപ വരെ ഇളവ്; ബാക്കിയുള്ളതിന് 12.5% (ഇൻഡക്സേഷൻ ഇല്ലാതെ) | 20% |
| ഡെറ്റ് മ്യൂച്വൽ ഫണ്ടുകൾ (ഏപ്രിൽ 1, 2023-ന് ശേഷം വാങ്ങിയത്) | 24 മാസം | സ്ലാബ് നിരക്ക് അനുസരിച്ച് (ഇൻഡക്സേഷൻ ലഭ്യമല്ല) | സ്ലാബ് നിരക്ക് അനുസരിച്ച് (ഇൻഡക്സേഷൻ ലഭ്യമല്ല) |
| അൺലിസ്റ്റഡ് ഓഹരികൾ | 24 മാസം | 12.5% (ഇൻഡക്സേഷൻ ഇല്ലാതെ) | സ്ലാബ് നിരക്ക് അനുസരിച്ച് |
| സ്ഥാവര വസ്തുക്കൾ | 24 മാസം | ജൂലൈ 23, 2024-ന് ശേഷം വാങ്ങിയതാണെങ്കിൽ 12.5% (ഇൻഡക്സേഷൻ ഇല്ലാതെ) | സ്ലാബ് നിരക്ക് അനുസരിച്ച് |
ഐടിആർ ഫയലിങ് നിർബന്ധം
വരുമാനം അടിസ്ഥാന ഇളവ് പരിധി (Basic exemption limit) ക്ക് താഴെയാണെങ്കിലും താഴെ പറയുന്ന സാഹചര്യങ്ങളിൽ ഐടിആർ ഫയൽ ചെയ്യേണ്ടത് നിർബന്ധമാണെന്ന് ഇൻകം ടാക്‌സ് ആക്ട് സെക്ഷൻ 139(1)(b) വ്യക്തമാക്കുന്നു:
- മുൻ വർഷം വൈദ്യുതി ബില്ലായി ഒരു ലക്ഷം രൂപയോ അതിൽ കൂടുതലോ ചെലവഴിച്ചവർ.
- വിദേശയാത്രകൾക്കായി രണ്ടു ലക്ഷം രൂപയിൽ കൂടുതൽ മുടക്കിയവർ.
- നിശ്ചിത പരിധിയിൽ കൂടുതൽ ക്രെഡിറ്റ് കാർഡ് പേയ്മെന്റുകൾ നടത്തിയവർ.
Content Highlights: Standard deduction and 87A rebate can nullify tax liability up to 12.75 Lakhs., Filing ITR is mandatory to claim Section 87A tax rebates., Special income like VDA and capital gains are taxed at flat rates regardless of basic income., Mandatory ITR filing applies to high electricity bill payers and foreign travelers under Section 139(1)(b).
Published: 25 Jun 2026, 10:48 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented