സ്വർണാഭരണങ്ങളുടെ ഹാൾമാർക്കിങ് നിരക്ക് സർക്കാർ കുത്തനെ ഉയർത്തി. 45 രൂപയിൽനിന്ന് 75 രൂപയായാണ് കൂട്ടിയത്. ഹാൾമാർക്കിങ് തുക ഉപഭോക്താക്കളാണ് നൽകുന്നതെങ്കിലും ബി.ഐ.എസ്. കെയർ ആപ്പ് ഉപയോഗിച്ച് യുണീക് ഐഡന്റിഫിക്കേഷൻ നമ്പർ (എച്ച്.യു.ഐ.ഡി.) പരിശോധിച്ച് ഉറപ്പുവരുത്തുന്ന കാര്യം പലർക്കും അറിയില്ല. അതുകൊണ്ടുതന്നെ വ്യാജ സ്റ്റാമ്പ് ഉപയോഗിച്ചുള്ള തട്ടിപ്പുകളും കൂടുകയാണ്.

To advertise here,

നിരക്കിലെ വർധന

ഒരു സ്വർണാഭരണത്തിന് നൽകേണ്ട ഹാൾമാർക്കിങ് നിരക്ക് നിലവിലെ 45 രൂപയിൽനിന്ന് 75 രൂപയായാണ് ഉയർത്തിയത്. ഇതുപ്രകാരം നിരക്കുവർധന 66.67 ശതമാനമാണ്. ഇതിലൂടെ ജുവലറികൾക്ക് 400 കോടി രൂപയുടെ അധികച്ചെലവും 80 കോടി രൂപയുടെ ജി.എസ്.ടി. ബാധ്യതയുമാണുണ്ടാവുക.

വ്യാജ പതിപ്പ് ഭീഷണി

ബി.ഐ.എസ്. കെയർ ആപ്പിനെക്കുറിച്ച് അധികമാർക്കും അറിവില്ല. അതുകൊണ്ടുതന്നെ ഉപഭോക്താക്കളുടെ അജ്ഞത മുതലെടുത്ത് ഹാൾമാർക്കിങ് സുരക്ഷാ സംവിധാനങ്ങൾ വ്യാജമായി നിർമിക്കുന്നത് വ്യാപകമായിട്ടുണ്ട്. മെട്രോ നഗരങ്ങളിലൊഴികെ ഇത് വ്യാപകമാണെന്ന് ആക്ഷേപമുണ്ട്.

ആഭരണങ്ങളുടെ ഫോട്ടോയെടുക്കുന്നത് നിർബന്ധമാക്കിയതോടെയുള്ള അധികച്ചെലവിനെയും ജെം ആൻഡ് ജുവലറി കൗൺസിൽ (ജി.ജെ.സി.) ചോദ്യംചെയ്യുന്നു. തട്ടിപ്പുകാർക്ക് ചിത്രങ്ങൾ എളുപ്പത്തിൽ പകർപ്പുകളാക്കുന്നതിനും കൃത്രിമത്വം കാണിക്കാനും സാധിക്കുമെന്ന് സംഘടനകൾ വാദിക്കുന്നു.

വെല്ലുവിളികൾ

ഹാൾമാർക്കിങ് ചെയ്യുന്നതിനുള്ള സമയം ആറു മണിക്കൂറായിരുന്നത് 24 മണിക്കൂറിലേറെയായി കൂടിയിരിക്കുന്നു. പ്രൊസസിങ് സമയം കൂടുന്നത് വ്യാപാരികൾക്ക് സാമ്പത്തിക ബാധ്യതയുണ്ടാക്കുന്നുവെന്ന് പറയുന്നു.

 

കണക്കുകൾ

അംഗീകൃത അസ്സെയിംഗ് ആൻഡ്

ഹാൾമാർക്കിംഗ് സെന്ററുകൾ (AHCs) –

ജൂലായ്‌ 2022

1,220

അംഗീകൃത അസ്സെയിംഗ് ആൻഡ്

ഹാൾമാർക്കിംഗ് സെന്ററുകൾ (AHCs) –

ജൂലായ്‌ 2026

1,577

HUID വഴി ഹാൾമാർക്ക് ചെയ്ത

ആകെ സ്വർണ്ണാഭരണങ്ങൾ

650 ദശലക്ഷത്തിലധികം

(650 million+)

2025-26 കാലയളവിൽ

ഹാൾമാർക്ക്

ചെയ്ത ആഭരണങ്ങൾ

132.2 ദശലക്ഷം

(132.2 million)

ഒരു ആഭരണത്തിന്റെ പഴയ

ഹാൾമാർക്കിംഗ് നിരക്ക്

₹45

പുനഃപരിശോധിച്ച പുതിയ

നിരക്ക്

₹75

നിരക്കിലുണ്ടായ വർധന

66.67%

ജുവലറി മേഖലയ്ക്കുണ്ടാകുന്ന

അധിക സാമ്പത്തിക ഭാരം

₹400 കോടി

അധികമായി നൽകേണ്ടി

വരുന്ന ജി.എസ്.ടി

₹80 കോടി

ഹാൾമാർക്കിങ് കേന്ദ്രങ്ങളുടെ എണ്ണത്തിലും എച്ച്.യു.ഐ.ഡി. ആഭരണങ്ങളുടെ നിർമാണത്തിലും വർധനയുണ്ടായിട്ടുണ്ടെങ്കിലും നിരക്കിലുണ്ടായ 66.67 ശതമാനം വർധനവും പ്രോസസിങ്ങിലെ കാലതാമസവും വ്യാപാരികൾക്ക് അധികച്ചെലവുണ്ടാക്കും. ഉപഭോക്താക്കൾക്കിടയിൽ ബി.ഐ.എസ്. കെയർ ആപ്പ് ഉപയോഗിച്ച് ആധികാരികത പരിശോധിക്കാനുള്ള ബോധവത്കരണം വ്യാപകമാക്കാത്തപക്ഷം വ്യാജ ഹാൾമാർക്കിങ് തടയുക അപ്രായോഗികമാണെന്ന് വ്യവസായപ്രതിനിധികൾ ചൂണ്ടിക്കാണിക്കുന്നു.