ഗിഫ്റ്റ് സിറ്റി ആസ്ഥാനമായി പ്രവര്‍ത്തിക്കുന്ന ഫണ്ട് മാനേജുമെന്റ് സ്ഥാപനമായ അര്‍ഥ ഭാരത് ഇന്‍വെസ്റ്റുമെന്റ് മാനേജേഴ്‌സ് ആബ്‌സല്യൂട്ട് റിട്ടേണ്‍ ആര്‍ബിട്രാജ് ഫണ്ട് അവതരിപ്പിച്ചു. യുഎസ് ഡോളര്‍ അടിസ്ഥാനമാക്കിയുള്ളതാണ് ഫണ്ട്. കുറഞ്ഞ കാലയളവും താരതമ്യേന കൂടുതല്‍ സുരക്ഷിതത്വവും മുന്നോട്ടുവെയ്ക്കുകയെന്നതാണ് ഫണ്ടിന്റെ ലക്ഷ്യം.
ഇന്ത്യയിലെയും ആഗോള വിപണിയിലെയും ലഭ്യമായ ഉയര്‍ന്ന ലിക്വിഡിറ്റിയുള്ള ഡെറിവേറ്റീവ് ഇന്‍സ്ട്രുമെന്റുകളില്‍ നിക്ഷേപിക്കുന്നതാണ് ഈ ഓപ്പണ്‍ എന്‍ഡഡ് ആള്‍ട്ടര്‍നേറ്റീവ് ഇന്‍വെസ്റ്റുമെന്റ് ഫണ്ട്(എഐഎഫ്). കാഷ്-ഫ്യൂച്ചേഴ്സ്, ഓപ്ഷന്‍സ്, ഓവര്‍-ദി-കൗണ്ടര്‍ (OTC) ഡെറിവേറ്റീവ്‌സ്, നോണ്‍-ഡെലിവറബിള്‍ ഫോര്‍വേഡ്സ് (NDFs) തുടങ്ങിയവയെ അടിസ്ഥാനമാക്കിയുള്ള വിവിധ തരത്തിലുള്ള അര്‍ബിട്രാജ് രീതികള്‍ ഇതിനായി ഉപയോഗിക്കും.
പ്രവാസി ഇന്ത്യക്കാരെയാണ് ഫണ്ട് പ്രധാനമായും ലക്ഷ്യമിടുന്നത്. നികുതിയില്ലാത്ത വരുമാനം നേടാന്‍ പ്രവാസികള്‍ക്ക് ഇതിലൂടെ കഴിയും. കൂടാതെ മിഡില്‍ ഈസ്റ്റ് ഉള്‍പ്പെടെ അന്താരാഷ്ട്ര വിപണികളിലെ ഫാമിലി ഓഫിസുകളും ഇന്‍സ്റ്റിട്യൂഷണല്‍ നിക്ഷേപകരും ഈ ഫണ്ടിന്റെ പരിധിയില്‍ ഉള്‍പ്പെടും.
Content Highlights: Artha Bharat Launches USD-Denominated Absolute Return Arbitrage Fund
Published: 22 Aug 2025, 09:48 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented