കോഴിക്കോട്: മുറിച്ചുമാറ്റപ്പെട്ട ചരിത്രമാണ് ഗുജറാത്ത് വംശഹത്യയുടേതെന്നും ബിജെപി സര്‍ക്കാരിനും നരേന്ദ്രമോദിക്കും ആ ചരിത്രം ആരെയും ഓര്‍മ്മിപ്പിക്കാന്‍ താത്പര്യമില്ലെന്നും എഴുത്തുകാരന്‍ എന്‍.എസ്. മാധവന്‍ പറഞ്ഞു. ടൗണ്‍ഹാളില്‍ കോഴിക്കോട് സാംസ്‌കാരികവേദി സംഘടിപ്പിച്ച 'വംശഹത്യാചരിത്രം മുറിച്ചുമാറ്റുമ്പോള്‍' സെമിനാറില്‍ സംസാരിക്കുകയായിരുന്നു അദ്ദേഹം.
സംഘപരിവാറിനെതിരായ ചിത്രങ്ങള്‍ക്കുനേരേ റോഡിലിറങ്ങിയാണ് അവര്‍ പ്രതിഷേധിച്ചിരുന്നത്. തമിഴ്‌നാട്ടില്‍ മെര്‍സല്‍ സിനിമയ്‌ക്കെതിരായി സംഘപരിവാര്‍ തെരുവിലിറങ്ങിയപ്പോള്‍ തമിഴ് സിനിമാലോകം അതിനെ ഒന്നിച്ചെതിര്‍ത്തു.
എന്നാല്‍, 'എമ്പുരാന്' നേരേയുള്ള ആക്രമണം സൈബര്‍ ലോകത്തായിരുന്നു. ഇന്റര്‍നെറ്റ് ലോകത്തെ വിവരങ്ങളറിയാത്ത രാജ്യത്തെ വലിയൊരു വിഭാഗംകൂടി ആ ചരിത്രം അറിയാതിരിക്കാനാണിത്. ഗുജറാത്ത് വംശഹത്യ പ്രമേയമാക്കി മുന്‍പും സിനിമകള്‍ വന്നിട്ടുണ്ട്. എന്നാല്‍, ബോക്‌സ് ഓഫീസ് ഹിറ്റാവുന്ന ഒരു മാസ് മസാല സിനിമയില്‍ ഇത് പ്രമേയമായതാണ് ഇവരെ ചൊടിപ്പിച്ചത്.
സ്ത്രീകളെ സംരക്ഷിക്കുന്ന സൃഷ്ടികള്‍ ജനിപ്പിക്കാന്‍ എഴുത്തുകാര്‍ക്ക് സമൂഹത്തില്‍ എവിടെനിന്നും പിന്തുണ കിട്ടുന്നില്ല. എമ്പുരാന് നല്‍കുന്നത് സമാധാനത്തിന്റെ സന്ദേശമല്ല, മറിച്ച് കലാപത്തിന്റേതാണെന്നും അദ്ദേഹം പറഞ്ഞു. വി. മുസഫര്‍ അഹമ്മദ്, ഇ.വി. ഹസീന, എ.കെ. അബ്ദുള്‍ ഹക്കീം എന്നിവരും സംസാരിച്ചു.
Content Highlights: ns madhavan -reacts -empuraan- movie -gujarat -genocide -bjp -provoked
Published: 09 Apr 2025, 08:23 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented