ധാക്ക: പ്രധാനമന്ത്രിസ്ഥാനം രാജിവെച്ച് രാജ്യംവിടേണ്ടിവന്ന ശൈഖ് ഹസീനയെ വിമര്‍ശിച്ച് എഴുത്തുകാരി തസ്ലിമ നസ്രീന്‍. സ്വന്തം അവസ്ഥയ്ക്ക് ശൈഖ് ഹസീനതന്നെയാണ് ഉത്തരവാദിയെന്ന് അവര്‍ കുറ്റപ്പെടുത്തി. ആരെ പ്രീതിപ്പെടുത്താനാണോ ഹസീന തന്നെ ബംഗ്ലാദേശില്‍നിന്ന് പുറത്താക്കിയത് അതേ ആളുകള്‍ കാരണമാണ് അവര്‍ക്കിപ്പോള്‍ രാജ്യംവിടേണ്ടിവന്നതെന്ന് തസ്ലിമ കുറ്റപ്പെടുത്തി.
'1999-ല്‍ രോഗിയായ അമ്മയെ കാണാന്‍ ബംഗ്ലാദേശില്‍ പ്രവേശിച്ച എന്നെ ഇസ്ലാമിസ്റ്റുകളെ പ്രീതിപ്പെടുത്താനായാണ് ഹസീന നാടുകടത്തിയത്. പിന്നീട് ഒരിക്കലും പ്രവേശിക്കാന്‍ അനുവദിച്ചില്ല. ഹസീനയെ ഇപ്പോള്‍ രാജ്യം വിടാന്‍ നിര്‍ബന്ധിതയാക്കിയ വിദ്യാര്‍ഥിപ്രസ്ഥാനത്തിലും അതേ ഇസ്‌ലാമിസ്റ്റുകളുണ്ട്'' -തസ്ലിമ എക്‌സില്‍ കുറിച്ചു.
ഹസീന ഇസ്ലാമിസ്റ്റുകളെ വളര്‍ത്തുകയും സ്വന്തം ആളുകളെ അഴിമതിചെയ്യാന്‍ അനുവദിക്കുകയും ചെയ്തു. ബംഗ്ലാദേശ് ഒരിക്കലും പാകിസ്താന്‍പോലെ ആകരുത്. പട്ടാളഭരണമുണ്ടാകാന്‍ പാടില്ല. തസ്‌ലിമപറഞ്ഞു.
'ലജ്ജ' എന്ന തന്റെ പുസ്തകത്തിന്റെപേരില്‍ ഇസ്‌ലാമിസ്റ്റുകളുടെ രൂക്ഷമായ വിമര്‍ശനം നേരിട്ട തസ്ലിമ 1994-ലാണ് ബംഗ്ലാദേശ് വിട്ടത്.
Content Highlights: Taslima Nasrin criticizes Sheikh Hasina
Published: 07 Aug 2024, 07:37 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented