എസ്.എം.എ ബാധിതരായ കുരുന്നുകൾക്ക് സഹായവുമായി മുട്ടിപ്പാട്ട് സംഘം

കോഴിക്കോട്: അപൂർവ ജനിതക രോഗമായ എസ്.എം.എ. ബാധിച്ച മൂന്ന് കുരുന്നുകളുടെ ചികിത്സയ്ക്കായി ധനസഹായവുമായി കോഴിക്കോട്ടെ ഒരു കൂട്ടം കലാകാരന്മാർ. കോഴിക്കോട് ബീച്ചിൽ ഞായറാഴ്ച രാത്രി മുട്ടിപ്പാട്ട് ഗാനവിരുന്ന് നടത്തി സമാഹരിച്ച തുകയാണ് എസ്.എം.എ ബാധിച്ച കല്ലുരുട്ടി പൂവ്വത്തേരിച്ചാലിൽ ഡേവിഡ്, ഏഥൻ, ഒലിവർ എന്നീ മൂന്ന് കുരുന്നുകളുടെ ചികിത്സയ്ക്കായി നൽകിയത്. ബീച്ചിൽ പൊതുജനങ്ങൾക്കായി മുട്ടിപ്പാട്ട് പാടുകയും അവരിൽ നിന്ന് ലഭിച്ച തുക ചികിത്സാ ഫണ്ടിലേക്ക് കൈമാറുകയുമായിരുന്നു.