കുട്ടികളുടെ ഭാവനയും ചിന്താശേഷിയും ഭാഷാപരിജ്ഞാനവും വളർത്തുന്നതിൽ വായനയ്ക്കുള്ള പങ്ക് ചെറുതല്ല. ഈ ഡിജിറ്റൽ യുഗത്തിൽ കുട്ടികളെ പുസ്തകങ്ങളിലേക്ക് ആകർഷിക്കാൻ മാതാപിതാക്കൾ ബോധപൂർവ്വം ചില ശീലങ്ങൾ വീട്ടിൽ നടപ്പിലാക്കേണ്ടതുണ്ട്.

To advertise here,

ദിനചര്യയിൽ 'റീഡിംഗ് ടൈം' നിർബന്ധമാക്കുക
ദിവസവും കുറഞ്ഞത് 20 മുതൽ 30 മിനിറ്റ് വരെ വീട്ടിൽ വായനാസമയം ആയി മാറ്റിവെക്കുക. ഈ സമയത്ത് ടിവി, മൊബൈൽ ഫോൺ, കമ്പ്യൂട്ടർ തുടങ്ങിയ എല്ലാ ഡിജിറ്റൽ ഉപകരണങ്ങളും ഓഫാക്കിവെക്കണം. വായന എന്നത് മറ്റ് പഠനകാര്യങ്ങൾ പോലെ തന്നെ ദിവസേന ചെയ്യേണ്ട ഒരു ശീലമാക്കി മാറ്റുക.

മാതൃകയാവണം മാതാപിതാക്കൾ
കുട്ടികൾ കണ്ടുപഠിക്കുന്നവരാണ്. അച്ഛനമ്മമാർ പുസ്തകങ്ങളോ പത്രങ്ങളോ വായിക്കുന്നത് കാണുമ്പോൾ കുട്ടികൾക്കും സ്വാഭാവികമായി വായനയോട് താല്പര്യം തോന്നും. മാതാപിതാക്കൾ ഫോണിൽ സമയം ചെലവഴിച്ചുകൊണ്ട് കുട്ടികളോട് 'പോയി വായിക്ക്' എന്ന് പറയുന്നത് ഫലം ചെയ്യില്ല.

വായനയെ ഒരു സന്തോഷ അനുഭവമാക്കുക
വായനയെ ഒരു ശിക്ഷയായോ നിർബന്ധിത പഠനമായോ മാറ്റരുത്. കുട്ടികൾക്ക് ഇഷ്ടമുള്ള കാർട്ടൂൺ കഥകളോ, ചിത്രകഥകളോ, സാഹസിക കഥകളോ തിരഞ്ഞെടുക്കാൻ സ്വാതന്ത്ര്യം നൽകുക. തുടക്കത്തിൽ ചെറിയ പുസ്തകങ്ങളും വലിയ ചിത്രങ്ങളുമുള്ള കഥകളും നൽകുന്നത് അവരുടെ ആവേശം കൂട്ടും.

ഒരുക്കാം ബുക്ക് കോർണർ
വീട്ടിൽ കുട്ടികൾക്ക് എളുപ്പത്തിൽ പുസ്തകങ്ങൾ എടുത്തു വായിക്കാൻ പാകത്തിൽ കുറച്ച് നല്ല പുസ്തകങ്ങൾ അടുക്കിവെച്ച ഒരു ചെറിയ വായനാമൂല തയ്യാറാക്കുക. ഇത് അവരിൽ പുസ്തകങ്ങളോടുള്ള പ്രിയം വർധിപ്പിക്കും.