വായുമലീനീകരണം കൊണ്ട് ശ്വാസം മുട്ടുകയാണോ? ഓക്സിജൻ തരുന്ന യന്ത്രം ഈസിയായി നിര്‍മിക്കാം

നിങ്ങളുടെ മുറിയിൽ ഓക്സിജന്റെ അളവുകുറവുണ്ടോ?എങ്കിൽ ഈ വിദ്യ അതിനൊരു പരിഹാരമാകും. ഓക്സിജൻ ജനറേഷൻ മെഷീൻ. ഒരു സ്ഫടിക ടാങ്കിൽ ആൽഗകൾ എന്ന ചെറുസസ്യങ്ങളെ വളർത്തും. ക്ലോറെല്ല എന്ന ഏകകോശ ആൽഗകളെയാണ് വളർത്തുന്നത്. ഇവ സൂര്യപ്രകാശത്തിന്റെ സഹായത്താൽ പ്രകാശസംശ്ലഷണം നടത്തും. ഈ സമയം ഇവ ഓക്സിജൻ പുറത്തുവിടുമല്ലോ. ടാങ്കിന്റെ അടിയിൽ ഒരു കുഴൽ ഉണ്ടാവും. അതിലൂടെ വായുകടത്തിവിടും. ഈ വായു, കുമിളകളുടെ രൂപത്തിൽ വെള്ളത്തിലുള്ള ഓക്സിജനെ മുകളിലേക്ക് എത്തിക്കും. മുകളിലെത്തുന്ന ഓക്സിജനെ വേഗം മുറിയിലേക്കും പരിസരങ്ങളിലും എത്തിക്കാനായി ടാങ്കിന്റെ മുകളിൽ രണ്ട് എക്സോസ്റ്റ് ഫാൻ ഉണ്ടാവും. ഈ ഫാൻ കറങ്ങുന്നതോടെ ശുദ്ധമായ ഓക്സിജൻ റൂമിലെല്ലാം പരക്കും. കണ്ണൂർ തളിപ്പറമ്പ് കുറുമാത്തൂർ ജിവിഎച്ച്എസ്എസ്സിലെ മിടുക്കന്മാരുടെ കണ്ടുപിടിത്തമാണിത്.