ഓൺലൈൻ സംഭാഷണങ്ങളെ കൂടുതൽ ലളിതവും വ്യക്തവുമാക്കുന്നതിൽ ഇമോജികൾക്ക് വലിയ പങ്കുണ്ട്. കൺതടം കറുത്ത ക്ഷീണിച്ച മുഖം, അന്ധാളിപ്പോടെയുള്ള നോട്ടം, സംശയത്തോടെ പൊന്തിയ പുരികങ്ങൾ തുടങ്ങി ഏത് വികാരങ്ങളെയും ഒരു കുഞ്ഞുചിത്രത്തിലൂടെ പ്രകടിപ്പിക്കാൻ ഇവയ്ക്ക് കഴിയും. ഇമോജികളുടെ ഈ പ്രസക്തിയും പ്രാധാന്യവും ഓർമ്മിപ്പിക്കാനാണ് എല്ലാ വർഷവും ജൂലായ് 17 ലോക ഇമോജി ദിനമായി ആചരിക്കുന്നത്. ആപ്പിളിന്റെ കലണ്ടർ ഇമോജിയിൽ രേഖപ്പെടുത്തിയിരിക്കുന്ന തീയതി ജൂലായ് 17 ആയതിനാലാണ് ഈ ദിവസം തന്നെ ആഘോഷത്തിനായി തിരഞ്ഞെടുത്തത്. 1999-ൽ ജപ്പാൻ സ്വദേശിയായ ഷിഗെറ്റാകെ കുരിതയാണ് ആദ്യമായി ഇമോജികൾ രൂപകൽപ്പന ചെയ്തത്. പിന്നീട്, ഇമോജികളെക്കുറിച്ചുള്ള ആധികാരിക വിവരങ്ങൾ നൽകുന്ന 'ഇമോജിപീഡിയ'യുടെ സ്ഥാപകൻ ജെറമി ബർഗ് 2014-ലാണ് ലോക ഇമോജി ദിനാചരണത്തിന് തുടക്കം കുറിച്ചു.

To advertise here,